თერჯოლის მუნიციპალიტეტის საკრებულოში წარმომადგენლობითი ორგანოს თავმჯდომარის, ნინო ჯანელიძის ხელმძღვანელობით რიგგარეშე სხდომა გაიმართა.

საკრებულოს წევრებმა სამი საკითხის შესახებ იმსჯელეს და მხარი დაუჭირეს თერჯოლის მუნიციპალიტეტის ადგილობრივ ბიუჯეტსა და ადგილობრივ შესყიდვებში განსახორციელებელ ცვლილებებს. მუნიციპალიტეტის 2019 წლის ბიუჯეტის ცვლილება გამოიწვია მთავრობის განკარგულებებმა, საშემოსავლო ნაწილის 1270.5 ათასი ლარით (გრანტის სახით) გაზრდამ.

• გაიზარდა სოფელ ძევრის ცენტრის კეთილმოწყობის დაფინანსება. კომუნალური მეურნეობის განვითარების თანნხა გაიზარდა 44,3 ათასი ლარით.

• სოფლის მხრადაჭერის პროგრამის ფარგლებში განსახორციელებელი პროექტები დაფინანსდება 345,0 ათასი ლარით.

ზოგადსაგანმანათლებლო დაწესებულებები დაფინანსდება 881,2 ათასი ლარით:

ინფრასტრუქტურის სარეაბილიტაციო სამუშაოები - 260, 0 ათასი ლარით და მოსწავლეთა ტრანსპორტით უზრუნველყოფა - 621,2 ათასი ლარით.

დეპუტატების მიერ ასევე მხარდაჭერილი იქნა არასამეწარმეო (არაკომერციული) იურიდიული პირის, „იმერეთის ადგილობრივი ტურიზმის მართვის“ ორგანიზაციის, დაფუძნების შესახებ საკითხი.

აღნიშნული თემები სხდომამდე პროფილურმა კომისიებმა და ბიურომ განიხილა.

რიგგარეშე სხდომას თერჯოლის მუნიციპალიტეტის მერის პირველი მოადგილე მანუჩარ ფანჩულიძე და შესაბამისი სამსახურების წარმომადგენლები ესწრებოდნენ.

ინფორმაციას თერჯოლის მუნიციპალიტეტის საკრებულოს პრესსამსახური ავრცელებს.