პოლიტიკოსი ვალერი გელბახიანი აცხადებს, რომ „რუსთავი 2“-ის ეთერში მიხეილ სააკაშვილის პირდაპირი ჩართვისას მან „სხვა მიშა“ დაინახა, „უკვე არა ლიდერის, არამედ გმირის ფუნქციაში“ და ახლა დროა, ბიძინა ივანიშვილიც „გამოვიდეს და თავისი გმირობა დაგვანახოს“.
აღნიშნულის შესახებ გელბახიანმა ტელეკომპანია „კავკასიას“ პირდაპირ ეთერში, ჟურნალისტ დავით აქუბარდიასთან სტუმრობისას განაცხადა.
„ის [სააკაშვილი] დიდ მობილიზაციას აკეთებს უცხოეთში, ძალიან დიდ მობილიზაციას. ქართველი, რომელიც მოახერხებს ჩვენი ემიგრაციის მობილიზაციას, ის უკვე ლიდერია, იქ აღარ არის უკვე არჩევნები საჭირო, ის ლიდერია უკვე. და ეს საგანგაშო ფაქტი უნდა იყოს ამ ხელისუფლებისთვის.
ამას თუ მოახერხებს, რომ კონსოლიდირებული გახადოს ქართველ ემიგრანტთა კორპუსი, ეს დიდი გმირობაა. ის ასახელებს ციფრსაც, 10 მილიარდიან რესურსების მობილიზებას. ის მართლა ლიდერია, მაგრამ საფრთხე არ მინდა იყოს ამ ლიდერში, ჩემი სურვილი ეს არის.
მე სხვა მიშა დავინახე, უკვე არა ლიდერის ფუნქციაში, გმირის ფუნქციაში, ანუ ნაციონალური გმირი ვარო, კაცი გეუბნება და ამეებს ვიზამო. ახლა ბიძინაც გამოვიდეს, თავისი გმირობა დაგვანახოს.
სააკაშვილმა თავისი ასე ვთქვათ, ნაციონალური ტვირთის გზავნილი გამოუშვა ქართველებთან და უთხრა: აი, მე ეს ვარ, ამას ვაპირებ. ახლა გამოდი საპირწონედ, რეალური ლიდერი ხომ ქვეყნის შიგნით არის, გამოვიდეს და თქვას, რომ მე ვაპირებ ამას, ანუ კონკურენცია წავიდეს“, განაცხადა ვალერი გელბახიანმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.