თბილისში, ქეთევან წამებულის გამზირზე ბუნებრივი აირის ნამწვის დაგროვების შედეგად 7 ადამიანის გარდაცვალების დეტალებზე საუბრისას „TV პირველს“ ერთ-ერთმა ადგილობრივმა მცხოვრებმა გოგონამ უთხრა, რომ „ისინი იმყოფებოდნენ მე-7 სართულზე, როდესაც გაზის ე.წ. კალონკა, წყლის გამათბობელი გაიხსნა, რის შედეგადაც მოხდა აირის სრული წვა, ანუ გამოიყო CO და ყველა გაიგუდა“. მისივე თქმით, „სუნი და რაიმე მსგავსი არავის არ უგვრძნია სამეზობლოში“.

„გარდაცვლილია 7 ადამიანი, ერთმანეთის ახლობლები. ისინი იმყოფებოდნენ მე-7 სართულზე, როდესაც გაზის ე.წ. კალონკა, წყლის გამათბობელი გაიხსნა, რის შედეგადაც მოხდა აირის სრული წვა, ანუ გამოიყო CO და ზოგი ადამიანი არის საწოლზე დამხობილი, ზოგი იპოვეს სააბაზანოსთან მისულ მდგომარეობაში - ყველა გაგუდული. სუნი და რაიმე მსგავსი არავის არ უგვრძნია სამეზობლოში. 7 ადამიანია გარდაცვლილი, 35 წელია მაქსიმალური წლოვანება, რაც პოლიციელებმა დაადგინეს. მამა-შვილი იყვნენ, ასევე იყვნენ ბიძაშვილები, ახლო ნათესავები. მე თავად გვერდით კორპუსში ვცხოვრობ.

დამატებით შემიძლია ის ვთქვა, რომ არ ყოფილა სუნი რომ ვინმეს ეგრძნო და გაეგო. გარდაცვლილები მუშაობდნენ „ლიბერთი ბანკის“ სათაო ოფისში და მოაკითხა ზედამხედველმა, ვინც მუშაობდა ამათთან ერთად, რომელიც აკითხავდა ყოველთვის, ნაქირავები ბინა ჰქონდათ და როდესაც მოაკითხა, კარების გაღებაზე ინფორმაცია არ მაქვს, ანუ როგორ მოხდა აღმოჩენა რომ გარდაცვლილები იყვნენ, ეს ინფორმაცია ჩემამდე არ მოსულა. ის ზედამხედველიც გარდაცვლილია მათთან ერთად“, განაცხადა გვერდით კორპუსში მცხოვრებმა გოგონამ.