გარდაბნის მუნიციპალიტეტში სოფლის მხარდაჭერის პროგრამით განსახორციელებელი სამუშაოების შერჩევა მიმდინარეობს. შეხვედრები 17 იანვარს დაიწყო და 20 თებერვალს დასრულდება.

საკონსულტაციო შეხვედრები უკვე ჩატარდა სართიჭალაში, მუღანლოში, მარტყოფში, ვაზიანში, სააკაძეში, ნორიოში, ზემო და ქვემო ქვიშიანში, გამარჯვებაში, გამარჯვება 1-სა და ფოლადაანთკარში, ახალ სამგორში, თელეთში, კრწანისსა და კუმისში. ხმათა უმრავლესობით, შემდეგი ინფრასტრუქტურული სამუშაოების ჩატარება გადაწყდა:

სართიჭალა - საბავშვო ბაღის მიმდებარე ტერიტორიის კეთილმოწყობა.

მუღანლო - საბავშვო ბაღის მიმდებარე ტერიტორიის კეთილმოწყობა.

მარტყოფი - სკოლის ეზო შემოღობვა.

ვაზიანი - საბავშვო ბაღის ეზოს კეთილმოწყობა და ატრაქციონების დადგმა.

სააკაძე - დასახლების ცენტრში სატრენაჟორო სივრცის მოწყობა.

ნორიო - სკვერის მოწყობა.

ზემო ქვიშიანი - სოფელში არსებული წყაროს შეკეთება და მიმდებარე ტერიტორიის მოწყობა.

ქვემო ქვიშიანი - გარე განათების მოწყობა.

გამარჯვება - კულტურის სახლის ეზოს შემოღობვა.

გამარჯვება 1 - სასმელი წყლის ცენტრალური მილის შეცვლა.

ფოლადაანთკარი - გარე განათების მოწყობა.

ახალი სამგორი - შიდა სარწყავი სისტემის რეაბილიტაცია.

თელეთი- ზემო თელეთში, ახალწყალსა და მუხრანთელეთში სკვერის მოწყობა, სადაც დამონტაჟებული იქნება საბავშვო ატრაქციონები და ტრენაჟორები.ქვემო თელეთში სასაფლაოს შემოღობვა, ხოლო წალასყურში ეკლესიის ღობის მოწყობა.

კრწანისი - გარე განათების მოწყობა (მთისძირის დასახლება), კულტურული ობიექტის მოწყობა/რეაბილიტაცია.

კუმისი - ისტორიული კოშკის რეაბილიტაცია, ახალ კუმისში სანიაღვრე არხის გამტარი მილის რეაბილიტაცია.

ინფორმაციას გარდაბნის მუნიციპალიტეტის საკრებულოს პრესსამსახური ავრცელებს.