თერჯოლის მუნიციპალიტეტში „სოფლის მხარდაჭერის პროგრამის“ ფარგლებში ადმინისტრაციულ ერთეულებში დასახლებების საერთო კრებებისა და საკონსულტაციო შეხვედრების ჩატარება გრძელდება.

მოსახლეობასთან მორიგი შეხვედრა ღვანკითის ადმინისტრაციულ ერთეულში ჩატარდა.

შეხვდრებზე მოსახლეობის მიერ ინიცირებული პროექტები განიხილეს და შემდეგი გადაწყვეტილებები მიიღეს:

მინი სპორტული მოედნის შემოღობვა და კეთილმოწყობა;

ბუსკივაძეების უბანში ცენტრალურ გზაზე გარე განათების მოწყობა(დასრულება);

დედაღვთისას ტაძრიდან სოფლის ცენტრამდე არსებულ ბოძებზე გარე განათების მოწყობა;

კუბლაშვილების უბანში ცხაურისა და ბოგირის მოწყობა;

გავაშელაშვილების უბანში სანიაღვრე არხის გაჭრა და ორ მონაკვეთზე ბოგირის მოწყობა;

დედაღვთისას მიმდებარე ტერიტორიაზე სანიაღვრე არხის გაჭრა და ლითონის ბოგირების მოწყობა.

ღვანკითში გამართულ კრებას ესწრებოდნენ თერჯოლის მუნიციპალიტეტის მერის პირველი მოადგილე მანუჩარ ფანჩულიძე, სოფლის მაჟორიტარი დეპუტატი სოფიო ბუსკივაძე, მუნიციპალიტეტის სხვა ხელმძღვანელი პირები და თერჯოლის მუნიციპალიტეტის დასახლებებში საქართველოს რეგიონებში განსახორციელებელი პროექტების ფონდიდან სოფლის მხარდაჭერის პროგრამის ფარგლებში დასაფინანსებელი პროექტების შერჩევის მიზნით შექმნილი სამუშაო ჯგუფის წევრები.

მოსახლეობასთან შემდეგი შეხვედრები სამშაბათს, 05 თებერვალს ბარდუბნის ადმინისტრაციულ ერთეულში 12:00 საათზე, ხოლო ეწრის ადმინისტრაციულ ერთეულში 14:30 საათზე გაიმართება.

თერჯოლის მუნიციპალიტეტის სოფლებისათვის განსაზღვრულია 345 000 ლარის გამოყოფა.

ინფორმაციას თერჯოლის მუნიციპალიტეტის მერიის პრესსამსახური ავრცელებს.