ტერეზა მეიმ განაცხადა, რომ იგი „მტკიცეა გადაწყვეტილებაში უზრუნველყოს ბრექსიტი“ იმ ფონზე, როცა პრემიერ მინისტრი ემზადება ხელახლა გახადოს მოლაპარაკებების საგანი ჩრდილოეთ ირლანდიის საზღვრის სადავო საკითხი.

„The Sunday Telegraph“ -ში გამოქვეყნებულ წერილში მეი აცხადებს, რომ იგი დაბრუნდება ბრიუსელში „ახალი მანდატით, ახალი იდეებით და განახლებული გადაწყვეტილებით“.

ჩრდილოეთ ირლანდიის საზღვრის შესახებ „ალტერნატიული შეთანხმების“ შესახებ მოწოდებებს დეპუტატებმა გასულ სამშაბათს დაუჭირეს მხარი, მაგრამ ირლანდიის პრემიერ მინისტრის მოადგილემ, საიმონ ქოვენიმ განაცხადა, რომ აღნიშნულ წინადადებაში „სარწმუნო ალტერნატიული შეთანხმებები არ არის“ მოცემული.

The Sunday Times“ -ში ქოვენიმ დაწერა: „ევროკავშირი ხელხლა არ განიხილავს გასვლის შეთანხმებას და არ იქნება გასვლის შეთანხმება“ ჩრდილოეთ ირლანდიის საზღვრის სადავო საკითხის გარეშე.

მან აღნიშნა, რომ ჩრდილოეთ ირლანდიის საზღვრის სადავო საკითხი საჭიროა იმისათვის, რომ გარანტირებულად იყოს უზრუნველყოფილი წითელი პარასკევის შეთანხმება“, რომელმაც 30 წლის წინ ჩრდილოეთ ირლანდიაში შეიარაღებული ბრძოლა დაასრულა.

ჩრდილოეთ ირლანდიის საზღვრის სადავო საკითხი ერთ-ერთი დამაბრკოლებელი ფაქტორია დიდი ბრიტანეთის ევროკავშირიდან გასვლის შეთანხმებაში, რომელზეც ბრიტანეთმა და ევროკავშირმა მოილაპარაკეს და რომლის მიზანიცაა ჩრდილოეთ ირლანდიასა და ირლანდიის რესპუბლიკას შორის საზღვარი „ბრექსიტის“ შემდეგ ღია იყოს.

მეიმ უარყო წინადადება, რომ ჩრდილოეთ ირლანდიის საზღვრის გარშემო ალტერნატიული შეთანხმებების ძიება არღვევს „წითელი პარასკევის შეთახმებას“.

პრემიერ მინისტრმა ასევე დაამატა, რომ დეპუტატებს სურთ მთავრობა ისევ დაბრუნდეს ბრიუსელში, რომ „ბრექსიტის“ შეთანხმებაზე ხელახალი მოლაპარაკებები გაიმართოს.

დიდმა ბრიტანეთმა ევროკავშირი 29 მარტს უნდა დატოვოს.