მობილიზებულია შინაგან საქმეთა სამინისტროს და ჩვენი მეგობარი უწყებების რესურსი იმისთვის, რომ რა თქმა უნდა, უპირველეს მიზანს მივაღწიოთ და გავრცელების პირველწყაროს მივაგნოთ, აღნიშნული განცხადება მედიის წარმომადგენლებთან საუბრისას შინაგან საქმთა მინისტრმა გააკეთა.
როგორც გიორგი გახარიამ აღნიშნა, შესაძლოა, ფარული ჩანაწერების საქმის გამოძიების პროცესში უცხოელი პარტნიორების ჩართვაც მოხდეს.
„მინდა გითხრათ, რომ გამოძიება გრძელდება. ჩვენ თუ დაგვჭირდა რაღაც ეტაპზე, რამეთუ ეს არ არის მარტივი ტექნიკურად, ვფიქრობთ, რომ ვთხოვოთ ჩვენს პარტნიორებს დახმარება, რამეთუ კიბერდანაშაული საკმაოდ რთულად გამოსაძიებელი დანაშაულია....
ეს იმდენად მძიმე დანაშაულია, რომ ჩვენთვის - შინაგან საქმეთა სამინისტროსთვის და მთლიანად სამართალდამცავი სისტემისთვის არანაირი მნიშვნელობა არ აქვს და არ ექნება გავრცელებას, პირველწყაროს და შენახვას შორის. როგორც კი, ჩვენ აქ დავუშვებთ კომპრომისს, გვექნება ასე ვთქვათ განსხვავებული მიდგომები გავრცელებას, შენახვას და პირველწყაროს შორის, რა თქმა უნდა, მსგავს დანაშაულთან ბრძოლა იქნება საკმაოდ რთული. ამიტომ, ჩვენ გვესმის საზოგადოების ზოგ შემთხვევაში კრიტიკა, რომ საკმაოდ მკაცრი ნაბიჯების გადადგმა მოგვიწია. დარწმუნებული ვართ, რომ მივალთ პირვეწყარომდე", განაცხადა ჟურნალისტებთან საუბრისას გიორგი გახარიამ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.