ეკა ბესელია აცხადებს, რომ „ქართულ ოცნებაში“ დარჩენა-არდარჩენის შესახებ თავის გადაწყვეტილებას არა „ემოციურად“, არამედ „გათვლილად“ მიიღებს და ახლო მომავალში თანამოაზრეებთან ერთად საბოლოოდ ჩამოყალიბდება სად და ვისთან ერთად განაგრძობს ბრძოლას „იმ ღირებულებებისთვის, რომელზეც მე უარი პირადად არასოდეს არ მითქვამს“.

„ვფიქრობთ შემდეგ ნაბიჯებთან დაკავშირებით, რომ ეს შემდეგი ნაბიჯიც, გადაწყვეტილებაც იყოს, არა როგორც ემოციური და გაბრაზებული გადაწყვეტილება, არამედ გათვლილი მომავლის შედეგზე. ჩვენ ავიღეთ დრო, რომ საბოლოოდ ჩამოვყალიბდეთ, სად ვაგრძელებთ და ვისთან ერთად ვაგრძელებთ ბრძოლას იმ ღირებულებებისთვის, რომელზეც მე უარი პირადად არასოდეს არ მითქვამს. გამოვრიცხავ, რომ სადმე გადავიკარგო და დავიმალო; გამოვრიცხავ, რომ გავუჩინარდე და ვერ მიპოვოთ; გამოვრიცხავ, რომ ბრძოლა შევწყვიტო და გავჩერდე; გამოვრიცხავ, რომ ეს ღირებულებები შევიცვალო“, განაცხადა ბესელიამ ჟურნალისტებთან საუბრისას.