აშშ-სთვის ირანი უკვე მტერი კი არა, მოწინააღმდეგეა, ვაშინგტონი იმედოვნებს, რომ ბირთვულ პროგრამაზე მიღწეული შეთანხმების შედეგად ის სხვა ქვეყნებისთვისაც ბევრად უფრო უსაფრთხო გახდება. ამის შესახებ „სი-ბი-ეს“-თან ინტერვიუში აშშ-ს სახელმწიფო მდივანმა ჯონ ქერიმ განაცხადა.
„ჩვენ ჯერ კიდევ ვრჩებით მოწინააღმდეგეებად და არა ვართ არც მეგობრები, არც მოკავშირეები. ვაშინგტონში იციან, რომ ირანის სულიერი ლიდერი აიათოლა ხომეინი შეერთებული შტატების მიმართ მტრულ განცხადებებს განაგრძობს. ამიტომ ბარაქ ობამას ადმინისტრაციაში ისლამური რესპუბლიკის პოლიტიკის მიმართ ილუზიები არ არსებობს“, – განაცხადა ქერიმ.
სახელმწიფო მდივნის თქმით, აშშ ირანთან პოლიტიკური ურთიერთობების გაუმჯობესების საკითხის განსახილველად მზად არის. ამასთანავე, მისი თქმით, ვენაში მიღწეული შეთანხმების მიზანი ორმხრივი უერთიერთობების მოგვარება არ ყოფილა, თუმცა ვაშინგტონის მიერ ამისთვის ნებისმიერი დიპლომატიური შესაძლებლობის გამოუყენებლობა სწორი არ იქნებოდა.
აშშ-მ და ირანმა დიპლომატიური ურთიერთობები 1979 წლის ნოემბერში გაწყვიტეს თეირანში ამერიკის საელჩოში მძევლების აყვანის შემდეგ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.