„ნაციონალური მოძრაობის“ ერთ-ერთი ლიდერის, რომან გოცირიძის აზრით, დაგროვებითი პენსიის სისტემასთან დაკავშირებით, არ არსებობს გარანტია, რომლის მიხედვითაც 20-30 წლის შემდეგ დაგროვებული პენსია უკან დაბრუნდება.

გოცირიძე მიიჩნევს, რომ დაგროვებითი პენსიის სისტემის „ყველაზე მთავარი ნაკლი" არის ის, რომ არ არის ნებაყოფლობითი და ფიქრობს, რომ „თავდაპირველად აუცილებელი იყო, შეჩვევისათვის, რომ ყოფილიყო ნებაყოფლობითი".

ასევე მისი თქმით, მეორე ძირითადი უაროყიფითი მხარე აღნიშნული სისტემის არის ის, რომ ადამიანებს არ აძლევს საშუალებას ფული განათავსოს კერძო, თუ სახელმწიფო ფონდებში.

„პირდაპირი არის მიბმული და ასეთი იძულებითი, ძალდატანებითი სქემის პირობებში არ არსებობს იმის საშუალება, რომ მისი ინვესტირება მოხდეს მომგებიანად და გარანტია იმისა, რომ მრავალი, 20-30 წლის შემდეგ ეს თანხა უკან დაბრუნდება, არ არსებობს. ფაქტია, რომ ეს საკითხი უკვე პოლიტიკურ ჭრილში გადაიზარდა და ერთ-ერთი მთავარი თემა არის ის, თუკი უმრავლესობა ჩააგდებს ერთ-ერთი დეპუტატის ინიციატივას, მაშინ ის ტოვებს უმრავლესობის რიგებს", განუცხადა რომან გოცირიძემ „რუსთავი 2"-ს.