საქართველოს რეგიონული განვითარებისა და ინფრასტრუქტურის სამინისტროს სსიპ საქართველოს მუნიციპალური განვითარების ფონდი სოფელ დართლოში კულტურული მემკვიდრეობის ძეგლის სტატუსის მქონე სახლების რეაბილიტაციას ახორციელებს.
მიმდინარე სამუშაოები საქართველოს რეგიონული განვითარებისა და ინფრასტრუქტურის მინისტრმა ნოდარ ჯავახიშვილმა თავის პირველ მოადგილესთან ილია დარჩიაშვილთან და მუნიციპალური განვითარების ფონდის აღმასრულებელ დირექტორთან ჯუანშერ ბურჭულაძესთან ერთად დაათვალიერა და ადგილობრივ მოსახლეობას გაესაუბრა.
2014 წელს დართლოში რეაბილიტაცია 6 სახლს ჩაუტარდა, 28 სახლის რეაბილიტაცია კი წელს დასრულდება. სამუშაოები მსოფლიო ბანკისა და საქართველოს მთავრობის თანადაფინანსებით მიმდინარეობს და მისი ღირებულება 1,344.102.47 ლარია. პროექტის ფარგლებში, სახლების რეაბილიტაციის გარდა, გარე ინფრასტრუქტურა და საფეხმავლო ბილიკები მოეწყობა.
დართლოს რეაბილიტაციას მრავალმხრივი მნიშვნელობა აქვს როგორც ადგილობრივი მოსახლეობისთვის, ასევე მთლიანად ქვეყნის ტურისტული პოტენციალის განვითარებისთვის. პროექტის განხორციელების მთავარი მიზანი ძეგლის სტატუსის მქონე, გამორჩეული არქიტექტურის საუკუნოვანი სახლებისთვის პირვანდელი იერსახის შენარჩუნებაა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.