თეთრმა სახლმა განაცხადა, რომ შეერთებული შტატების პრეზიდენტი დონალდ ტრამპი ეროვნულ საგანგებო მდგომარეობას გამოაცხადებს იმისათვის, რომ დააფინანსოს აშშ-მექსიკის საზღვარზე კედლის მშენებლობა.

იგი ხელს მოაწერს „საზღვრის უსაფრთხოების“ კანონს, რათა თავიდან აიცილოს მთავრობის ხელმეორედ დახურვა და ამით პრეზიდენტი გვერდს აუვლის კონგრესს, რომლის „დემოკრატების“ მიერ კონტროლირებადმა წარმომადგენლობითმა პალატამაც კატეგორიული უარი უთხრა მას კედლის მშნებლობისთვის ბიუჯეტიდან 5.7 მილიარდი აშშ დოლარის გამოყოფაზე.

პრეზიდენტი ეროვნული საგანგებო მდგომარეობის გამოცხადებით და კონგრესის გვერდის ავლით კედლის მშენებლობისთვის სამხედრო თანხებს გამოიყენებს.

„პრეზიდენტი კიდევ ერთხელ ახორციელებს თავის დაპირებას, რომ ააშენოს კედელი, დაიცვას საზღვარი და უსაფრთხო იყოს ჩვენი დიადი ქვეყანა“, ნათქვამია თეთრი სახლის პრესმდივნის სარა სანდერსის განცხადებაში.

წამყვანმა „დემოკრატებმა“ თეთრი სახლის განცხადების საპასუხოდ თქვეს, რომ ტრამპი ამ ნაბიჯით „ძალაუფლების ბოროტად გამოყენებას“ და „უკანონო აქტის“ განხორციელებას ახდენს.