შინაგან საქმეთა მინისტრი უარყოფს გავრცელებულ ინფორმაციას, რომლის მიხედვითაც ის ბიძინა ივანიშვილის სახელით და მისი დავალებით, თიბისი ბანკის წილების დათმობასთან დაკავშირებით, მამუკა ხაზარაძესთან და ბადრი ჯაფარიძესთან მოლაპარაკებებს თავად აწარმოებდა.
გიორგი გახარია განმარტავს, რომ ეროვნული ბანკის მოთხოვნა მარეგულირებლის მიერ ფინანსური რეგულაციის ფარგლებში მიღებულ გადაწყვეტილებას ეხება.
„არ მქონია - ეს ერთი და მეორე - ჩვენ ახლა ვსაუბრობთ მარეგულირებლის მიერ ფინანსური რეგულაციის ფარგლებში მიღებულ გადაწყვეტილებაზე. ამ გადაწყვეტილებაზე, რა თქმა უნდა, არ და ვერანაირ კომენტარს ვერ გავაკეთებ.
არ არსებობს ქვეყანაში დღეს ინსტიტუცია, რომელსაც უკეთესად ესმის თიბისი ბანკის მნიშვნელობა, ვიდრე ეს არის რეგულატორი. ამიტომ, აქ ვერანაირი კითხვის ნიშნები ვერ იქნება", უთხრა გახარიამ ჟურნალისტებს.
ეროვნული ბანკი მამუკა ხაზარაძის და ბადრი ჯაფარიძის გადადგომას ითხოვს. სებ-მა 14 თებერვალს მამუკა ხაზარაძისა და ბადრი ჯაფარიძესთვის „თიბისი ბანკის“ დოკუმენტაციაზე ხელმოწერის უფლების შეუჩერება მოითხოვა. სებ-ის მოთხოვნითვე, ბანკის სამეთვალყურეო საბჭოს თავმჯდომარემ და თავმჯდომარის მოადგილემ მომდევნო ორი თვის განმავლობაში საბჭოს წევრობა უნდა დატოვონ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.