„ევროპული საქართველოს" ერთ-ერთი ლიდერი გიგი უგულავა, აუდიტის სამსახურის მონაცემების მიხედვით, იმ 12 ინფრასტრუქტურულ პროექტზე საუბრობს, რომელთა განსახორციელებლად მილიონობით ლარი გამოიყო, თუმცა, აღნიშნული პროექტები, როგორც უგულავამ თქვა, არათუ არ განხორციელებულა, არც დაწყებულა.
„ანაკლიის პორტთან მისასვლელი საავტომობილო გზის და რკინიგზის მშენებლობა 11 მილიონი ლარი, შესრულება -0. ქუთაისის საერთაშორისო აეროპორტთან სატრანსპორტო კვანძის მოწყობა - 10 მილონი ლარი, შესრულება - 0. მარნეულში მდინარე დებედაზე ხიდის მშენებლობა - 5 მილიონი ლარი, შესრულება - 0. ალგეთის სადახლო საავტომობილო გზის მშენებლობა-მოდერნიზაცია 12 მილიონი ლარი, შესრულება - 0. მცხეთა-სტეფანწმინდა-ლარსის საავტომობილო გზის და გვირაბის მშენებლობა 53 მილონი ლარი, შესრულება - 0. მდინარე რიონზე ფოთის ხიდის მშენებლობა 10 მილონი ლარი, შესრულება - 0. თბილისი-ბაკურციხე-ლაგოდეხის საავტომობილო გზის ლოჭინის-საგარეჯოს მონაკვეთის მშენებლობა - 25 მილიონი ლარი, შესრულება - 0. საქართველოს მუნიციპალური ინფრასტრუქტურის განახლების პროექტი - 1 მილიონი ლარი, შესრულება - 0. ქობულეთის წყალანირების პროექტი - 3 მილიონი ლარი, შესრულება - 0. თბილისის საჯარო სკოლის რეაბილიტაცია და ენერგოეფექტურობის გაზრდის პროექტი 10 მილიონი ლარი, შესრულება - 0. აჭარის მყარი ნარჩენების პროექტი - 4 მილიონი ლარი, შესრულება - 0. თბილისი-წითელი ხიდის საავტომობილო გზის რუსთავი-წითელი ხიდის მონაკვეთის მშენებლობა - 25 მილიონი ლარი, შესრულება - 0. 12 ქვეყნისთვის უმნიშვნელოვანესი პროექტი, ჯამურად 169 მილიონი ლარის ოდენობით იყო გაწერილი 2018 წლის სახელმწიფო ბიუჯეტში და შესრულება არის ნული. ისმის კითხვა, ივანიშვილის მიერ პრემიერად მივლინებული პირი, ბატონი ბახტაძე, რომელიც როცა ბიუჯეტი იგეგმებოდა, იყო ფინანსთა მინისტრი, გვჭირდება თუ არა ეს პროექტები ჩვენ? გასაგებია, რომ ანაკლიის პორტისკენ მიმავალი გზა გადაჰყვა ხაზარაძეს, მაგრამ 10 მილიონი ლარი თბილისის სკოლების ენერგოეფექტურობისა და ინფრასტრუქტურის განვითარებისთვის რატომ არ დაიხარჯა?.... მე მინდა ვუთხრა საზოგადოებას, რომ 169 მილიონი ლარის ეს პროექტები არის ის პროექტები, რომლებიც საერთოდ არც დაწყებულა. აუთვისებელი თანხა ჯამურად საკმარისი იქნებოდა იმისთვის, რომ მინიმუმ 30 ლარით გაზრდილიყო პენსია ან 25%-ით ნაკლები ყოფილიყო საწვავზე და გაზზე აქციზი, რაც გააიაფებდა ისედაც გაძვირებულ ამ პროდუქტებს. აი, ეს არის კლასიკური მაგალითი, როგორ არ უნდა იმართებოდეს ქვეყანა, რას ნიშნავს უნიათობა და რას ნიშნავს უვიცობა, რომელიც უკვე დანაშაულის ტოლფასია", განაცხადა გიგი უგუალავამ ცოტა ხნის წინ გამართულ საგანგებო ბრიფინგზე.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.