საერთაშორისო სავაჭრო პალატის ხელმძღვანელი თიბისი ბანკის გარშემო განვითარებულ მოვლენებს პარტია „ქართული ოცნების" თავმჯდომარეს, ბიძინა ივანიშვილს უკავშირებს. ფადი ასლი ამბობს, რომ ივანიშვილს ორმხრივი ინტერესი აქვს - ხელში ჩაიგდოს ერთი მხრივ ანაკლიის პორტი და მეორე მხრივ - თიბისი ბანკი.

„ბიძინა ივანიშვილს სურს, ხელში ჩაიგდოს თიბისი ბანკი და ანაკლიის პორტი. თიბისისთან დაკავშირებით ამის გაკეთებას ბანკის ყიდვით კი არ აპირებს, არამედ ხელმძღვანელისა და მისი მოადგილის გადაყენებით. შემდეგი ნაბიჯი იქნება მენეჯმენტის ჩანაცვლება მასთან დაახლოებული ხალხით. ამისთვის გამოიყენებს ეროვნულ ბანკს. იმ ინფორმაციის საფუძველზე, რომელიც გვაქვს, ივანიშვილის მიზანია, დაეხმაროს რუსულ კომპანიებს, თავი აარიდონ სანქციებს და დაზვერვის გაერთიანება მთელი მსოფლიოს მასშტაბით უკვე ინფორმირებულია ბიძინა ივანიშვილის გეგმების შესახებ. ეს საშიში თამაშია და საქართველოს რეპუტაციას შელახავს. რაც შეეხება ანაკლიის პორტს, ჩვენი დაზვერვის გაერთიანების ინფორმაციით, არსებობს ორი სცენარი - პირველი - ანაკლიის პორტს საერთოდ გააჩერებს, რადგან შეიძლება ინტერესთა კონფლიქტი გამოიწვიოს, მეორე - ივანიშვილი შეეცდება დააშინოს ანაკლიის კონსორციუმის პოტენციური პარტნიორები ხაზარაძისა და ჯაფარიძის დადანაშაულებით არარსებულ ფინანსურ მაქინაციაში. მსხვილი ინვესტორები ყოველთვის ატარებენ მოკვლევას მომავალი პარტნიორების შესახებ. როდესაც რამე საეჭვოს აღმოაჩენენ ან შეიტყობენ, რომ საქმეა აღძრული, თავს შეიკავებენს საქმის დაჭერისგან", განაცხადა ფადი ასლიმ ჟურნალისტებთან საუბრისას.