ოპოზიციური გაერთიანების „ძალა ერთობაშია“ აქტიური მხარდამჭერი თაკო ჩარკვიანი მიიჩნევს, რომ ბიძინა ივანიშვილი საქართველოს ევროპისგან ინსტიტუციურად დაცილების პოლიტიკას მიზანმიმართულად ატარებს, რის შედეგადაც არსებობს საფრთხე იმისა, რომ „პირდაპირ აღმოჩნდე პირისპირ მირთმეული ლანგარზე რუსეთისთვის“.

როგორც მან „TV პირველის“ გადაცემა „რეაქციაში“ სტუმრობისას თქვა, დღევანდელ ხელისუფლებას „უნდა ყველაფერში შემოვიდეს, შემოყოს ცხვირი რუსეთმა“.

„რატომ არ უნდა დავუჯეროთ [ხელისუფლებას]? იმიტომ, რომ უკვე მე-7 წელია ყველაფერს აკეთებენ იმისთვის, რომ არაფერი აღარ დაიჯეროს მოსახლეობამ.

„მე მგონი, რომ უკვე ქვეყანას აუპატიურებენ და ხალხი ძალიან ცუდ მდგომარეობაშია, ძალიან ცუდ მდგომარეობაში. ჩვენ ვუყურებთ პრაქტიკულად, რომ ქვეყნის გადაბარება მიდის, ოღონდ ვერ ბედავენ ამის ასე დეკლარირებას იმიტომ, რომ იციან ხალხის განწყობა პროცენტუალდ და ეს პროცენტი ხშირად იდება ხოლმე და მე ძალიან ბედნიერი ვარ, რომ ბოლო დროს იმატა დასავლეთის ვექტორმა და ძალიან კარგია ეს. ერთი პერიოდი რაღაცნაირად შემცბარი იყო ხალხი. დიახ, უნდათ, ყველაფერში შემოვიდეს, შემოყოს ცხვირი რუსეთმა. ანუ იცით, რა ხდება? ეს კაცი, ამ შემთხვევაში ივანიშვილს ვგულისხმობ, ისე დაგაცილებს ევროპას ინსტიტუციურად, რომ პირდაპირ აღმოჩნდები პირისპირ მირთმეული ლანგარზე რუსეთისთვის. აი, ეს პოლიტიკა მიდის“, განაცხადა თაკო ჩარკვიანმა.