სახელმწიფო უსაფრთხოების სამსახურის უფროსის პოსტზე წარდგენილი ვახტანგ გომელაური უწყების ერთ-ერთ მთავარ პრიორიტეტულ მიმართულებად საქართველოში უცხო ქვეყნების სპეცსამსახურების ამოცანების, გეგმების, სადაზვერვო შესაძლებლობების და ოპერაციების გამოვლენასა და აღკვეთას ასახელებს.
მისივე თქმით, განსაკუთრებული ყურადღება დაეთმობა ქვეყნის წინაშე არსებული საფრთხეების შესახებ გადაწყვეტილების მიმღები პირების ზუსტ და დროულ ინფორმირებულობას, რაც კონტრდაზვერვითი საქმიანობის ერთ-ერთი ძირითადი პრიორიტეტული მიმართულება იქნება.
"პრიორიტეტულ მიმართულებას განეკუთვნება ჩვენი ქვეყნის ეროვნული უსაფრთხოების სტუქტურებში, შეიარაღებულ ძალებსა და სახელისუფლებო რგოლებში უცხო ქვეყნის სპეცსამსახურების შეღწევის პრევენცია, მათი საქმიანობის გამოვლენა და ნეიტრალიზაცია, ასევე ეკონომიკური შპიონაჟის წინააღმდეგ ბრძოლა", - განაცხადა გომელაურმა პარლამენტში საკომიტეტო სხდომაზე.
მან ისიც აღნიშნა, რომ სიახლეს წარმოადგენს ე.წ. ოდეერის ინსტიტუტის გაუქმება და აქვე განაცხადა, რომ საერთაშორისო გამოცდილების გათვალისწინებით, განსაკუთრებული ყურადღება დაეთმობა სახელმწიფო საიდუმლეობის კუთხით უსაფრთხოების მაღალი რისკის მქონე სუბიექტების დაცვას, მათ წინააღმდგ მიმართული სადაზვერვო, შესაძლო დივერსიული საქმიანობის, ტერორისტული საფრთხეების გამოვლენას და აღკვეთას.
ვახტანგ გომელაურს თავდაცვისა და უშიშროების და ადამიანის უფლებათა დაცვის კომიტეტების გაერთიანებულ სხდომაზე უსმენენ.
სახელწმიფო უსაფრთხოების სამსახურის უფროსის კანდიდატურას პარლამენტი ფარული კენჭისყრით ამტკიცებს. მისი კანდიდატურის გატანა დღევანდელ რიგგარეშე სხდომაზე იგეგმება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.