საქართველოს თავდაცვის სამინისტროს ახალი პროექტის - „მედია ჯარში“ ფარგლებში, საქართველოს თავდაცვის მინისტრი ლევან იზორია მედიის სხადასხვა წარმომადგენელთან ერთად, გორში, I ქვეითი ბრიგადის სამხედრო ბაზას ესტუმრა.
ლევან იზორიამ და მედიის წარმომადგენლებმა I ქვეითი ბრიგადის მე-11 ბატალიონის პირად შემადგენლობასთან ერთად ჯარისკაცის ულუფა დააგემოვნეს.
თავდაცვის მინისტრი ჟურნალისტებთან ერთად სამხედრო ბაზის სამზარეულოში სადილის მომზადების პროცესს დაესწო და საწყობში პროდუქტების მარაგი დაათვალიერა.
პროექტი - „მედია ჯარში“ უწყების გამჭვირვალობისა და თავდაცვის ძალებში მიმდინარე პროცესების, ასევე სამხედრო მოსამსახურეების ყოველდღიური ცხოვრების შესახებ მედიის წარმომადგენლებისა და საზოგადოების ინფორმირებულობის გაზრდას ისახავს მიზნად.
კამპანიის ფარგლებში, თავდაცვის მინისტრი მედიის წარმომადგენლებთან ერთად პერიოდულად საქართველოს თავდაცვის ძალების სხვადასხვა სამხედრო ბაზას ეწვევა. სტუმრები სამხედრო მოსამსახურეების დღის წესრიგს, სასწავლო პროცესს, საცხოვრებელ და სამუშაო პირობებს, ინფრასტრუქტურულ პროექტებსა თუ სხვა სიახლეებს უშუალოდ ადგილზე გაეცნობიან.
ინფორმაციას თავდაცვის სამინისტროს პრესსამსახური ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.