„მე დავტოვე უმრავლესობა, ფრაქციაც და პარტიაც და შესაბამისად, ვაგრძელებ დამოუკიდებლად მუშაობას პარლამენტში“, განაცხადა რამდენიმე წუთის წინ დეპუტატმა ბექა ნაცვლიშვილმა, რომლის მიერ პარლამენტში დაგროვებითი პენსიის ალტერნატიულმა კანონპროექტმა მხარდაჭერა ვერ მოიპოვა.
„ალიანსში არავისთან არ შევდივარ, დამოუკიდებლად ვაგრძელებ მუშაობას. უბრალოდ თუ იქნება ისეთი საკითხები, რომელსაც მხარს ვუჭერ, შესაბამისად, მხარდაჭერა ექნება ჩემგან“, აღნიშნა მედიასთან ნაცვლიშვილმა და დაამატა: „ამ ეტაპზე პარტიის შექმნაზე არ არის არანაირი საუბარი. მაგრამ, რატომ ვტოვებ? იმიტომ, რომ მიმაჩნია, რომ დამოუკიდებლად უფრო მეტს გავაკეთებ ამ მიმართულებით“.
ბექა ნაცვლიშვილი პარლამენტში ფრაქცია „ქართული ოცნება - სოციალ-დემოკრატების“ თავმჯდომარის მოადგილის პოსტს იკავებდა.
„ქართული ოცნების“ რიგების დატოვებაზე დღეს ასევე ეკა ბესელიამაც განაცხადა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.