ასპინძის მუნიციპალიტეტის სოფელ ხიზაბავრაში მიმდინარე ინფრასტრუქტურული სამუშაოები სამცხე-ჯავახეთის გუბერნატორმა აკაკი მაჭუტაძემ ასპინძის მუნიციპალიტეტის გამგებელთან ლევან ცაბაძესთან და ადგილობრივი ხელისუფლების სხვა ხელმძღვანელ პირებთან ერთად მოინახულა.
სოფელ ხიზაბავრაში ასფალტო-ბეტონის გზის საფარი 6კმ-სა და 711 მეტრზე დაიგო. სამუშაოებს სამშენებლო კომპანია შპს ,,ასტორია'' ახორციელებდა.
ამ პროექტის დასრულების გამო, სოფელ ხიზაბავრის მოსახლეობა ხელისუფლების მიმართ კმაყოფილებას გამოთქვამს.
,,მადლიერება მინდა გამოვხატო ჩვენი მთავრობის მიმართ, რადგან მათ მხარდაჭერასა და ყურადღებას ყოველთვის ვგრძნობთ. მე მინდა დიდი მადლობა ვუთხრა სამცხე-ჯავახეთის გუბერნატორს აკაკი მაჭუტაძეს, ასპინძის მუნიციპალიტეტის გამგებელს ლევან ცაბაძესა და ყველა იმ წარმომადგენელს, რომლებმაც იზრუნეს სარო-ხიზაბავრის მისასვლელი გზის მოასფალტებაზე. გზის უქონლობა ჩვენთვის მთავარ პრობლემას წარმოადგენდა", - განაცხადა ადგილობრივმა მკვიდრმა ქეთევან მურადაშვილმა.
ასპინძის მუნიციპალიტეტის გამგებლის ლევან ცაბაძის თქმით, 2017 წლამდე ყველა სოფელს უნდა ჰქონდეს მოასფალტებული მისასვლელი გზა და 21 -ე საუკუნეში მოუწესრიგებელი გზების საკითხი არ უნდა არსებობდეს. სოფელ ხიზაბავრაში უკვე გაყვანილია ბუნებრივი გაზი და აღდგენილია სასმელი წყლის სისტემა.
სოფელ სარო-ხიზაბავრის მისასვლელი გზის მნიშვნელობაზე სამცხე-ჯავახეთის გუბერნატორმა აკაკი მაჭუტაძემ ისაუბრა და აღნიშნა, რომ ასპინძის მუნიციპალიტეტში ბევრი სასიკეთო პროექტის განხორციელება მიმდინარეობს.
,,მივესალმები სოფელ ხიზაბავრაში ასეთი ფართომასშტაბიანი პროექტის მშენებლობის დასრულებას, რომელიც პირადად ჩემთვის ძალიან სასიხარულო მოვლენაა.
კომუნისტების დროიდან დღემდე, სოფელ ხიზაბავრაში არ განხორციელებულა მისასვლელი გზის სარეაბილიტაციო სამუშაოები, ამის გამო, მოსახლეობას სერიოზული პრობლემები ექმნებოდა." - განაცხადა სამცხე-ჯავახეთის გუბერნატორმა აკაკი მაჭუტაძემ.
ასპინძის მუნიციპალიტეტში კიდევ ერთი ფართომასშტაბიანი პროექტის განხორციელება მიმდინარეობს. კერძოდ, ორგორა -საყუდაბლის და ძველი- ჭობარეთის მისასვლელ გზაზე ასფალტო-ბეტონის დაგება. დაბა ასპინძაში კი შიდა გზების დიდი ნაწილი მოასფალტებულია, ხოლო დარჩენილ ქუჩებზე ასფალტო-ბეტონის დაგება ეტაპობრივად განხორციელდება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.