ფრაქცია „ნაციონალური მოძრაობის“ თავმჯდომარეს, რომან გოცირიძეს არ სჯერა, რომ საპარლამენტო უმრავლესობიდან დეპუტატების გასვლა ბიძინა ივანიშვილთან ოპოზიციაში ჩადგომას ნიშნავს. იგი მიიჩნევს, რომ ბესელია და სხვები „მიდიან კობახიძის ოპოზიციაში და არა ივანიშვილის ოპოზიციაში“ და ისინი „ნებისმიერ დროს“, როცა ამის საჭიროება დადგება, კვლავ „ჩადგებიან მის ერთგულ სამსახურში“.

„ისინი მიდიან კობახიძის ოპოზიციაში და არა ივანიშვილის ოპოზიციაში. საპარლამენტო საკონსტიტუციო უმრავლესობა დაიშალა არითმეტიკულად, მაგრამ არ დაშლილა ივანიშვილისათვის. ეს ხალხი მიდის გუნდის ერთი ნაწილის, ასე ვთქვათ, ოპოზიციაში, მაგრამ ისინი რჩებიან ივანიშვილის ერთგულად. აი, დაახლოებით ასეთი სახე მივიღეთ, ანუ ივანიშვილი კვლავ აკონტროლებს პარლამენტს და ნებისმიერ დროს, როცა დაჭირდება, ეს ხალხი ჩადგება მის ერთგულ სამსახურში“, განაცხადა რომან გოცირიძემ.