„ვისაც ოდნავ მაინც აქვს პოლიტიკური ალღო, ხვდება, რომ ბიძინა ივანიშვილი უკვე ემშვიდობება ხელისუფლებას. ის, რაც მას სჭირს და რისი გაკეთებაც მას უწევს, ეს არის აგონიის ნიშნები“, განაცხადა „ერთიანი ნაციონალური მოძრაობის“ პოლიტიკური საბჭოს თავმჯდომარემ, ნიკა მელიამ „იმედის“ გადაცემაში - „პირისპირ“.

„ვისაც ოდნავ მაინც, და არ არის აუცილებელი ვიყოთ პოლიტიკოსი ან პოლიტიკურად აქტიური ადამიანი, ვისაც ოდნავ მაინც აქვს პოლიტიკური ალღო, ხვდება, რომ ბიძინა ივანიშვილი უკვე ემშვიდობება ხელისუფლებას. ის, რაც მას სჭირს და რისი გაკეთებაც მას უწევს, ეს არის აგონიის ნიშნები. კარგი ცხოვრებისგან მას ეს არ ემართება.

გავიხსენოთ, რატომ დაბრუნდა ბიძინა ივანიშვილი პარტიის თავმჯდომარედ ფორმალურად. იმიტომ, რომ მან განაცხადა, რომ იძულებული ვარ დავბრუნდე, ვინაიდან გუნდი იშლებაო. დაბრუნდა ბიძინა ივანიშვილი პარტიის თავმჯდომარედ და რა? განიმუხტა ვითარება გუნდში? მე მის გუნდზე არ ვიდარდებდი, როგორც ასეთზე, თუ ამას შეიძლება პოლიტიკური გუნდი ვუწოდოთ. მე ვდარდობ, ვინაიდან, ეს გუნდი ჯერჯერობით მართვის სადავეებთან არის ამ ქვეყნის. გაღრმავდა კრიზისი, ხომ? შესაბამისად, ის რაღაც კონსპირაცია, თითქოს ახლა ბიძინა ივანიშვილი ეკა ბესელიათი და მდარე ადამიანებით აკეთებს რაღაც სხვა პოლიტიკურ პროცესს, არის რა თქმა უნდა ძალიან დიდი სიცრუე“, განაცხადა ნიკა მელიამ.