თერჯოლის მუნიციპალიტეტის მერმა ბონდო სოფრომაძემ და კლინიკის დამფუძნებელმა ვლადიმერ კეპულაძემ თერჯოლა-ტყიბულის მიტროპოლიტ მეუფე გიორგი შალამბერიძის ლოცვა-კურთხევით საზეიმო ვითარებაში გაჭრეს ლენტი და მოწვეულ სტუმრებთან ერთად დაათვალიერეს ამბულატორია.
ამბულატორია დაკომპლექტებულია მაღალკვალიფიციური ექიმ-ფსიქიატრებით, ფსიქოლოგით, ფსიქოთერაპევტით, მედდებით, სოციალური მუშაკით. ყველა მათგანს გავლილი აქვს შესაბამისი გადამზადება და სტაჟირება. პროგრამა მთლიანად, მათ შორის მედიკამენტოზური უზრუნველყოფა, ფინანსდება სახელმწიფოს მიერ. სერვისის ამოქმედება დიდ შეღავათს მისცემს აღნიშნული პრობლემის მქონე ჩვენს მოქალაქეებს, რომლებსაც უხდებოდათ გაცილებით შორ ტერიტორიაზე გადაადგილება, რაც დაკავშირებული იყო დროისა და ფინანსების დამატებით ხარჯთან.
როგორც კლინიკის დამფუძნებელმა აღნიშნა, აპრილის თვიდან ფუნქციონირებას დაიწყებს ფსიქიატრიული სტაციონარული განყოფილება 19 საწოლით, ხოლო პირველი ივნისიდან ამოქმედდება მობილური გუნდი, რომელიც მომსახურეობას გაუწევს ოთხი მუნიციპალიტეტის (თერჯოლა, ტყიბული, ონი, ამბროლაური) პაციენტებს.
ინფორმაციას თერჯოლის მუნიციპალიტეტის მერიის პრესსამსახური ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.