ნაძალადევის რაიონში არსებული საბავშვო ბაგა-ბაღების თანამშრომლებისა და აღსაზრდელების მშობლების მონაწილეობით, „არტ-ჰოლში“ დედის დღის აღსანიშნავი ღონისძიება გაიმართა.
საკონცერტო საღამო ნაძალადევის რაიონის გამგეობის ორგანიზებით ჩატარდა. საბავშვო ბაღების ღვაწლმოსილ პედაგოგებს გამგეობისგან საჩუქრები გადაეცათ.
ღონისძიებას ნაძალადევის რაიონის გამგებელი ირაკლი ხელაძე და თბილისის საბავშვო ბაგა-ბაღების მართვის სააგენტოს ხელმძღვანელი კახაბერ გვანცელაძე ესწრებოდნენ. გამგებელმა და სააგენტოს ხელმძღვანელმა ქალბატონებს 3 და 8 მარტის დღესასწაულები მიულოცეს.
„ქალბატონებს მივულოცეთ მარტის დღესასწაულები. ბაღების თანამშრომლების მონაწილეობით, საინტერესო კონცერტი გამოვიდა. ძალიან დასაფასებელია მათი საქმიანობა, რისთვისაც ბაღების თითოეულ თანამშრომელს მადლობას ვუხდი და ყოველივე საუკეთესოს ვუსურვებ“, - განაცხადა ირაკლი ხელაძემ.
ნაძალადევის რაიონის გამგეობის ორგანიზებით, დედის დღესთან დაკავშირებით, კიდევ ერთი კულტურულ-შემოქმედებითი ღონისძიება გაიმართა, რომლის ფარგლებშიც, სკოლის მოსწავლეებმა დედები სხვადასხვა ტიპის მხატვრული ნამუშევრებით დაასაჩუქრეს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.