ხონის მუნიციპალიტეტის სოფელ პატარა ჯიხაიშში ადგილობრივ ფერმერებთან საინფორმაციო შეხვედრა გაიმართა.
შეხვედრის მიზანი იყო თხილის გადარჩენის სახელმწიფო პროგრამის შესახებ დაინტერესებული პირების ინფორმირება.
სოფლის მეურნეობის სამინისტროს ხონის საინფორმაციო-საკონსულტაციო სამსახურის ხელმძღვანელმა, ბადრი ბახტაძემ და თხილის მწარმოებელთა ასოციაციის (GHGA) წარმომადგენლებმა შეხვედრის მონაწილეებს „თხილის მოსავლის გადარჩენის პროგრამა“ გააცნეს.
პროგრამის ფარგლებში, სახელმწიფოს და GHGA მონაწილეობით, შემუშავებულია კომპლექსური გეგმა, რომელიც თხილის მწარმოებელ ფერმერებს საშუალებას მისცემს მავნებლების და სოკოვანი დაავადებების წინააღმდეგ დროულად და ეფექტიანად ჩაატარონ აგროტექნიკური ღონისძიებები, რათა თავიდან აიცილონ თხილის მოსავლის დაზიანება და ეკონომიკური ზარალი. ამ პროცესის ხელშეწყობის მიზნით, სახელმწიფო შეისყიდის და ასოციაციას გადასცემს 2000 ერთეულ მაღალი ეფექტურობის შესაწამლ აპარატს და ასევე უსაფრთხოების საშუალებებს რომელიც გადაეცემათ ფერმერთა ჯგუფებს.
ინფორმაციას ხონის მერიის პრესსამსახური ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.