ირაკლი ღარიბაშვილმა განაცხადა, რომ პოლიტიკაში იმ მიზეზების გამო დაბრუნდა, რა მიზეზების გამოც ბიძინა ივანიშვილი.

„ჩემი მთავარი მისია და ამოცანა პარტიის სხვა წევრებთან ერთად იქნება პარტიის გაძლიერება გაერთიანება“, განაცხადა ირაკლი ღარიბაშვილმა გადაცემა TV პირველის გადაცემა „რეაქციაში“.

მან თქვა, რომ მისი მიზანია პარტია კიდევ უფრო მეტად გაძლიერდეს, ვიდრე 2012 წელს იყო და შესრულდეს მოსახლეობისთვის მიცემული დაპირებები.

მან ხაზგასმით თქვა, რომ რომ არა ბიძინა ივანიშვილი, 2012 წელს „სააკაშვილის სისხლიან რეჟიმზე“ გამარჯვება ვერ იქნებოდა უზრუნველყოფილი. „ეს ლიდერი იყო, არის და იქნება ბიძინა ივანიშვილი და ჩვენ მართლა შეუძლებელი შევძელით ხალხთან ერთად“, აღნიშნა ღარიბაშვილმა.

„მე ყოველთის ვიქნები იმ აზრზე, რომ იმ ადამიანების გამოსწორება შეუძლებელია, რომლებიც წლების განმავლობაში ჩვენს ხალხს ჩაგრავდნენ“, განაცხადა ღარიბაშვილმა და მკაცრად გააკრიტიკა სააკაშვილის ხელისუფლება იმისათვის, რომ „შემოუძღვა რუსულ ჯარს“.

ღარიბაშვილმა ასევე თქვა, რომ არ არის არც ერთი მოსამართლე არც „ქართული ოცნების“ და არც ბიძინა ივანიშვილის.

„ჩემი ოჯახის ერთ-ერთი წევრი გაასამართლა ერთ-ერთმა მოსამართლემ, არ მინდა გვარი დავასახელო, რომელმაც მერე სააკაშვილი გაასამართლა“, აღნიშნა ღარიბაშვილმა და დაამატა, რომ სასამართლო სისტემის უდიდესი ნაწილი სააკაშვილის მიერ არის დაკომპლექტებული.

„ნაციონალები“ ბედავენ და სასამართლოს დამორჩილებაზე საუბრობენ. ეს ასე არ არის. პროცესი, რომელიც ახლა მიმდინარეობს, ეს არის გზა სასამართლოების დამოუკიდებლობამდე“, განაცხადა ღარიბაშვილმა და დაამატა:

„2013 წელს „ნაციონალები და მათთან აფილირებული არასამთავრობოები მოითხოვნდენ მოსამართლეების უვადოდ დანიშვნას, დღეს კი საპირისპიროს აცხადებენ. ეს ემსახურება ერთ მიზანს, რომ ჩამოშალონ სასამართლო ხელისუფლება და სახელმწიფო. ივანიშვილი არც კი ინტერესდება მოსამართლეების გვარებით. სხვაგვარად იყო სააკაშვილის და კუბლაშვილის დროს“.

როდესაც გაქვს გონიერი მმართველის პრეტენზია, შენ თავიდან უნდა აიცილო ის დიდი განსაცდელი, რომ თავიდან აიცილო ოკუპაცია. არ უნდა შემოუძღვე რუსულ ჯარს. პრაქტიკულად, ასე შეიძლება თქვა, რომ ჩვენ მივიღეთ ხელახლა ოკუპაცია, ვიდრე იყო“, აღნიშნა ღარიბაშვილმა.