„ანაკლიის პორტი არის ამ ქვეყნის მომავალი - უსაფრთოხების და ეკონომიკის კონტექსტში და არავის არ გამოუვა, არც ერთ შემთხვევაში, რომ შეთქმულების თეორიებით, სკანდალებით და ჭორაობებით, ვალდებულებს, რომელიც აღებულია წლების წინ, თავი აარიდოს“, განაცხადა შინაგან საქმეთა მინისტრმა გიორგი გახარიამ.

„ძალიან კარგად მესმის ამ ქვეყნისთვის რას ნიშნავს ანაკლიის ღრმაწყლოვანი პორტი. დღეს როგორც შინაგან საქმეთა მინისტრს და ძალოვანი უწყების წარმომადგენელს, ასევე ძალიან კარგად მესმის რას ნიშნავს ანაკლიის ღრმაწყლოვანი პორტი ჩვენი ქვეყნის უსაფრთხოებისთვის - კრიტიკულად მნიშვნელოვანი კომპონენტია. საერთოდ ანაკლიის ღრმაწყლოვანი პორტი არის ამ ქვეყნის მომავალი და ჩვენ ვსაუბრობთ როგორც ეკონომიკაზე, ასევე უსაფრთხოებაზე. ჩემთვის უკიდურესად სამწუხაროა, უკიდურესად სამწუხაროა, რომ სკანდალებით, რაღაც შეთქმულების თეორიებით ადამიანები ცდილობენ თავიანთ ვალდებულებებს თავი აარიდონ და ამით დააზიანონ სახელმწიფო ინტერესები. კიდევ ერთხელ ხაზგასმით აღვნიშნავ, რომ ანაკლიის პორტი არის ამ ქვეყნის მომავალი - უსაფრთოხების და ეკონომიკის კონტექსტში და არავის არ გამოუვა, არც ერთ შემთხვევაში, რომ შეთქმულების თეორიებით, სკანდალებით და ჭორაობებით, ვალდებულებს, რომელიც აღებულია წლების წინ, თავი აარიდოს“, განაცხადა გახარიამ.