„მინდა გითხრათ დაუჯერებელი ამბავი, მაგრამ სამწუხარო რეალობა. ოლიგარქმა ივანიშვილმა არ იკმარა ის, რომ გადაჭამა მთელი საქართველო და დღეს უკვე დაიწყო საქართველოს დამშლელებისა და მტრების მოწვევა უცხოეთიდან და მათთვის მილიონიანი ბიზნესების გადაცემა“, განაცხადა ახლახან გამართულ ბრიფინგზე „ლეიბორისტული პარტიის“ თავმჯდომარემ შალვა ნათელაშვილმა.

„თქვენ წინაშეა არძინბას კონსულტანტი, მიმაგრებული საბჭოთა კაგებედან, აფხაზეთის ომის მთავარი დამფინანსებელი, პუტინის პარტიის, „ედინაია რასიას“ ერთ-ერთი ლიდერი, რუსეთის პარლამენტის დეპუტატი ოთარ იუნას ძე არშბა, რომელმაც გაავსო ბათუმი ელიტარული სასტუმროებით და ეს ფული მას ნაშოვნი აქვს ქართველთა სისხლით, იმ უბედურებაში, რაც ჩვენ გავიარეთ და რასაც გავდივართ.

არშბას მიცემული ფულით იყო ნაყიდი ის ტყვიები, რომლითაც დაიხოცა ათეულ ათასობით ქართველი. არშბა აფინანსებდა იმ ბოევიკებს, რომლებმაც ქართველთა მოჭრილი თავებით გაგრის სტადიონზე ფეხბურთი ითამაშეს. არშბას ნაყიდი იყო ჟიული შარტავაზე, გაბესკირიაზე ნასროლი ტყვიები და ეს კაცი დღეს გახლავთ ივანიშვილის რეჟიმის ყველაზე ერთგული მეგობარი, რომლის ბიზნესების გახსნას ესწრება საქართველოს მთავრობის ხელმძღვანელობა და ექსპრემიერ მინისტრი ირაკლი ღარიბაშვილი ესწრებოდა მისი სასტუმროს გახსნას ბათუმში. ჩვენ კატეგორიულად მოვითხოვთ, დაუყოვნებლივ აღიძრას სისხლის სამართლის საქმე ოთარ არშბას წინააღმდეგ, დაყადაღებულ იქნას მისი მილიარდები საქართველოსა და უცხოეთის ბანკებში. საქართველოს მტრების ფეხქვეშ მიწა უნდა იწვოდეს, ხოლო მათ თავზე - ზეცა. ჩვენ დავაყენებთ იმ მდგომარეობას, როცა საქართველოზე აწეული ხელი იქნება ისე დასჯილი, რომ ვერავინ მეორედ ასეთი რამ ვერ გაბედოს", განაცხადა შალვა ნათელაშვილმა.