საქართველოს თავდაცვის ძალებს 54 სამხედრო მოსამსახურე შეემატა. წვევამდელებმა სამხედრო ფიცი IV მექანიზებულ ბრიგადაში საბრძოლო მოქმედებებში დაღუპულ ჯარისკაცთა მემორიალთან დადეს.
საქართველოს თავდაცვის ძალების აღმოსავლეთის სარდალმა, პოლკოვნიკმა ალექსანდრე კიკნაძემ და IV მექანიზებული ბრიგადის მეთაურმა, ვიცე-პოლკოვნიკმა ზურაბ ხვიჩიამ გმირთა მემორიალი გვირგვინით შეამკეს და სამხედროებს თავდაცვის ძალებში გაწევრიანება მიულოცეს. აღმოსავლეთის სარდალმა წარჩინებული ჯარისკაცები მადლობის სიგელებითაც დააჯილდოვა.
ფიცის დადების შემდეგ, სახელმწიფო ენის შემსწავლელი პროგრამის ფარგლებში, ეროვნული უმცირესობის წარმომადგენელ წვევამდელებს სახელმწიფო ენის ცოდნის დამადასტურებელი სერტიფიკატებიც გადაეცათ. კურსს ზურაბ ჟვანიას სახელობის სახელმწიფო ადმინისტრირების სკოლის პედაგოგები უძღვებოდნენ.
რეკრუტებმა საწყისი საბრძოლო მომზადების კურსი (BCT) IV მექანიზებული ბრიგადის ბაზაზე გაიარეს. 10 კვირის განმავლობაში წვევამდელებმა ტაქტიკური, კავშირგაბმულობის, სამედიცინო, საცეცხლე და სამწყობრო მომზადებასთან დაკავშირებული უნარები განავითარეს. მათ სადისციპლინო და საყარაულო წესდებებიც შეისწავლეს. ჯარისკაცები გაუმჯობესებული სოციალური პაკეტით ისარგებლებენ და უქმე დღეების სარგებლობის საშუალებაც ექნებათ.
სამხედრო მოსამსახურეები თავდაცვის ძალებში ერთი წლის განმავლობაში IV მექანიზებულ ბაზაზე იმსახურებენ.
ინფორმაციას თავდაცვის სამინისტროს პრესსამსახური ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.