მამუკა ბახტაძემ „თიბისი ბანკთან“ დაკავშირებით განაცხადა, რომ ეს არის „ძალიან იაფფასიანი პოლიტიკური სპეკულაცია“ და გარკვეული პოლტიკიური ძალები ცდილობენ უპასუხიმგებლო პოლიტიკურ საინფორმაციო ველში დააბრუნონ ეს საკითხი, რომ მოსახლეობამდე დამახინჯებული გზით მიიტანონ ინფორმაცია და აქვთ მცდელობა რომ ანაკლიის პორტიც მიაბან ამ საკითხს.

„ბოლო დღეების განმავლობაში ჩვენ მოვისმინეთ სრულიად უსაფუძვლო და პრეტენზიული განცხადებები ეროვნული ბანკის მისამართით. ეროვნული ბანკი მაღალი პროფესიონალებით დაკომპლექტებული ინსტიტუტია... დანარჩენი გახლავთ პოლიტიკური სპეკულაციები. ბანკმა მიიღო თავისი ზედამხედველობის ნაწილიში გადაწყვეტილება, რომელიც იყო ძლიერი არგუმენტებით გამყარებული. ასევე ძალიან მნიშვნელოვანი იყოს, რომ ეროვნულმა ბანკმა და თიბის ბანკმა გააკეთეს ერთობლივი განცხადება. თიბის ბანკი გახლავთ ძალიან მნიშვნელოვანი საფინანსო ინსტიტუტი და გარკვეული პოლტიკიური ძალები ცდილობენ უპასუხიმგებლო პოლიტიკურ საინფორმაციო ველში დააბრუნონ, რომ მოსახლეობამდე დამახინჯებული გზით მიიტანონ ინფორმაცია და აქვთ მცდელობა რომ ანაკლიის პორტიც მიაბან ამ საკითხს. როგორ შეიძლება ვინმეს ენა მოუბრუნდეს და თქვას, რომ საქართველოს მთავრობას არ სურს ანაკლიის პორტის განვითარება... ეს არის ძალიან იაფფასიანი პოლიტიკური სპეკულაცია“, განაცხადა საქართველოს პრემიერ მინისტრმა, მამუკა ბახტაძემ ბრიფინგზე და დაამატა, რომ ანაკლიის პროექტი „სტრატეგიული მნიშვნელობისაა“ და საქართველოს მთავრობა ამ პროექტთან დაკავშირებით აღებულ ვალდებულებებს აუცილებლად შეასრულებს.