ირაკლი ღარიბაშვილის პოლიტიკაში დაბრუნებასთან დაკავშირებით პრემიერ მინისტრმა, მამუკა ბახტაძემ განაცხადა, რომ „ეს არის ძალიან პოზიტიური ნაბიჯი“ და გამოთქვა იმედი, რომ მისი პარტიაში მაღალ თანამდებობაზე დანიშვნა „პარტიული სტრუქტურების მუშაობა კიდევ უფრო ეფექტურს გახდის“.

„ირაკლი ყოველთვის იყო ჩვენი პოლიტიკური გუნდის წევრი და ბუნებრივია მე კომუნიკაცია მასთან მქონდა. ჩვენ პოლიტიკურ გუნდში ყველა მივესალმებით, რომ ირაკლი დაბრუნდა ძალიან მნიშვნელოვან თანამდებობაზე. ყველას გვახსოვს, რომ პარტიაში ირაკლი ღარიბაშვილი, მისი შექმნის დღიდან ძალიან მნიშველოვან საქმეს აკეთებდა. ეს არის ძალიან პოზიტიური ნაბიჯი ჩვენი პარტიისთვის და ამით ჩვენ შევძლებთ, რომ ჩვენი პარტიული სტრუქტურების მუშაობა კიდევ უფრო გავაუმჯობესოთ და გავხადოთ უფრო ეფექტური“, განაცხადა მამუკა ბახტაძემ.