იუსტიციის უმაღლესი საბჭოს არამოსამართლე წევრი ანა დოლიძე მიიჩნევს, რომ ეკა ბესელიას და მის თანამოაზრეებს სასამართლო სისტემასთან დაკავშირებით მკვეთრი პოზიციის დასაფიქსირებლად დიდი დროს დასჭირდათ, თუმცა როგორც დოლიძე ამბობს, „რა თქმა უნდა, გამოფხიზლება ჯობია მუდმივად კლანის ტყვეობაში ყოფნას".

„სამწუხაროდ, ერთი წელი დასჭირდა, რომ მკვეთრი და პრინციპული პოზიცია დაეკავებინა ადეიშვილის ნარჩენების მიერ სასამართლოს მართვასთან დაკავშირებით. ჩემი პოზიცია ასეთია – ადრე რომ ამოეღოთ „ქართული ოცნების“ წევრებს ხმა და მოესმინათ ჩვენი, არ გვექნებოდა ეს ძალიან მძიმე, ტრაგიკული სიტუაცია, რომელიც დღეს გვაქვს. თუმცა, რა თქმა უნდა, გამოფხიზლება ჯობია მუდმივად კლანის ტყვეობაში ყოფნას, როგორც დღესაც იმყოფება „ქართული ოცნების“ ბევრი წევრი“, აცხადებს დოლიძე.