მიხეილ სააკაშვილი აცხადებს, რომ მისი პრეზიდენტობს დროს „პირადი ქონება პრაქტიკულად არ გაზრდილა“, ხოლო დროის ამავე პერიოდში „ხაზარაძის ქონება გაიზარდა მინიმუმ ხუთჯერ და ახალ კი ხაზარაძე მის ბიზნესზე ზეწოლაში ადანაშაულებს.

„ჩემი პრეზიდენტობის 9 წლის განმავლობაში, ჩემი პირადი ქონება პრაქტიკულად არ გაზრდილა, ჩემივე პრეზიდენტობის დროს, ხაზარაძის ქონება გაიზარდა მინიმუმ ხუთჯერ და ახლა ეს „კაცი“ და სინამდვილეში უმადური... მე მადანაშაულებს მის ბიზნესზე ზეწოლაში და ეს იმ ფონზე, როდესაც ივანიშვილი ყველაფერს ართმევს და საკუთარ ჯიბეში მიაქვს. კარგი რა, სამართალიც კარგი საქონელია. მე, ხაზარაძის ადგილზე, თუ გადაურჩა დაჭერას, წავიდოდი მონასტერში და მოვინანიებდი უამრავი ხალხის გაუბედურებას და საპრეზიდენტო „არჩევნებში“ ივანიშვილის მხარდაჭერას“, წერს სააკაშვილი „ფეისბუქზე“.