საქართველოს პრემიერ მინისტრმა, მამუკა ბახტაძემ განაცხადა, რომ თეა წულუკიანთან არსებული საკითხი შეჯერებულია და უკვე „აზრთა თანხვედრა არის ამ კონკრეტულ საკითხთან დაკავშირებით და ეს საკითხი არ დგას წესრიგში“.

„თეა წულუკიანი არის ჩვენი გუნდის წევრი პირველი დღეებიდან და მას აქვს ძალიან დიდი წვლილი შეტანილი იმ წარმატებაში, რომელიც ჩვენ გვაქვს.

იყო აზრთა სხვადასხვაობა და საკითხი ახლა შეჯერებულია, აზრთა თანხვედრა არის ამ კონკრეტულ საკითხთან დაკავშირებით და ეს საკითხი არ დგას დღის წესრიგში“, განაცხადა მამუკა ბახტაძემ და დაამატა:

„პროფესიულ საკითხზე იყო აზრთა სხვადასხვაობა და გათვალისწინებული იქნა მსოფლიოში არსებული საუკეთესო პრაქტიკა“.

ბახტაძემ არ დააკონკრეტა თუ რა საკითხზე მიმდინარეობდა მასსა და თეა წულუკიანს შორის დისკუსია და მხოლოდ ეს განაცხადა:

„თქვენ წარმოგიდგენიათ ჩვენი გუნდი თეას გარეშე? მე ნამდვილად არ წარმომიდგენია. დიდია მისი წვლილი ევროპასთან ინტეგრაციის გზაზე“.