დუშეთის მუნიციპალიტეტის ადმინისტრაციულ ტერიტორიაზე უსახელო მწვერვალს ზურაბ იარაჯულის სახელი მიენიჭა. აღნიშნულის შესახებ საქართველოს ეროვნული გმირის, მფრინავ ზურაბ იარაჯულის საიუბილეო ღონისძიებაზე თავდაცვის ძალების მეთაურის მოადგილემ, ბრიგადის გენერალმა შალვა ჯაბახიძემ განაცხადა.
12 მარტს საქართველოს ეროვნულ გმირს, მფრინავ ზურაბ იარაჯულს 48 წელი შეუსრულდებოდა. ეროვნული გმირის საიუბილეო თარიღთან დაკავშირებით, ბრიგადის გენერალი შალვა ჯაბახიძე თიანეთის მუნიციპალიტეტში სოფელ ზარიძეებს ესტუმრა. ბრიგადის გენერალმა ზურაბ იარაჯულის მემორიალი გვირგვინით შეამკო. მან გმირის სახელობის პარკში შეკრებილ საზოგადოებას სიტყვით მიმართა, ზურაბ იარაჯულის ღვაწლზე ისაუბრა და მისი ოჯახის წევრებს გადასცა საქართველოს რუკები, რომელზეც გმირის სახელობის მწვერვალის გეოგრაფიული კოორდინატებია დატანილი. თავდაცვის ძალების მეთაურის მოადგილემ უწყების ტოპოგრაფიული სამსახურის თანამშრომლები დუშეთის მუნიციპალიტეტის ადმინისტრაციულ საზღვრებში მდებარე უსახელო მწვერვალისთვის ეროვნული გმირის ზურაბ იარაჯულის სახელის მინიჭების საქმეში შეტანილი წვლილისთვის მადლობის სიგელებით დააჯილდოვა.
მოგვიანებით, ბრიგადის გენერალმა, სამხედრო მოსამსახურეებთან ერთად, სკოლაში გადაინაცვლა, სადაც ზურაბ იარაჯულის მემორიალური გამოფენა დაათვალიერა. მან სკოლის წარმომადგენლებსაც გადასცა რუკები ზურაბ იარაჯულის სახელობის მწვერვალის გეოგრაფიული კოორდინატებით.
ღონისძიებას თავდაცვის ძალების ავიაციისა და საჰაერო თავდაცვის სარდლობის სამხედრო მოსამსახურეები, ასევე ტოპოგრაფიული სამსახურის თანამშრომლები, რეგიონის ოფიციალური წარმომადგენლები და ადგილობრივი მაცხოვრებლები დაესწრნენ.
დუშეთის მუნიციპალიტეტის ადმინისტრაციულ ტერიტორიაზე ერთ-ერთ უსახელო მწვერვალს თავდაცვის უწყების ინიციატივით ზურაბ იარაჯულის სახელი ახლახან მიენიჭა.
უსახელო მწვერვალი მდებარეობს დუშეთის მუნიციპალიტეტში, კერძოდ, ფშავში, მწვერვალ დიდი ბორბალოს მიმდებარედ (გეოგრაფიული კოორდინატები: X-518493; Y-4693900).
სამხედრო მფრინავი, ზურაბ იარაჯული აფხაზეთის ომში გმირულად დაიღუპა. 2013 წელს მას საქართველოს ეროვნული გმირის წოდება მიენიჭა. უფროსი ლეიტენანტი იარაჯული, სიკვდილის შემდეგ დაჯილდოებულია ვახტანგ გორგასლის I ხარისხის ორდენით.
ინფორმაციას თავდაცვის სამინისტროს პრესსამსახური ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.