ოდესის ოლქის ყოფილი გუბერნატორი იგორ პალიცა, მიხეილ სააკაშვილის პოპულისტურ პოლიტიკაზე Facebook-ის საკუთარ გვერდზე წერს და აღნიშნავს, რომ საქართველოდან იგი ხალხმა ქვების სროლით გააგდო და იგივეს უნდა ელოდოს უკრაინაშიც.
„სანამ სააკაშვილი აქ არ იყო, ჩვენ ყველამ ერთად მშვიდობა შევინარჩუნეთ, შევარიგეთ ხალხი. დიახ, მე არ ვამტვრევდი ჯებირებს, არ დავდიოდი სხვის დასანახად სამარშრუტო მანქანით, არ დავდიოდი პლაჟზე, არ ვსეირნობდი ველოსიპედით სამუშაო დროს, არ ვაკეთებდი ხმამაღალ და პოპულისტურ განცხადებებს და არ ვძაბავდი დნესტრისპირეთის ირგვლივ არსებულ სიტუაციას. ქრთამებზე ყოველთვის ვაკავებდით ადამიანებს, უბრალოდ, ასეთ წვრილმანებზე არ ვიპიარებდით თავს.
ჩემი განკარგულებით, 2014 წლის ბიუჯეტის 95% გზების მშენებლობაზე გავანაწილეთ. ბევრი რამ გავაკეთეთ, მაგრამ ყველაფერი ვერა. ჩვენ უბრალოდ ვმუშაობდით და არ ვიპიარებდით თავს. ჩვენ არ გვქონდა იმის უფლება, რომ უკრაინის კანონები დაგვერღვია, რომელიც თქვენ გაქვთ.
P.S. მე მესმის, თუ რატომ გამოხვედით მწყობრიდან და გაიქეცით, როდესაც ტელეკომპანია „1+1"-ის ჟურნალისტმა ნარკოლოგიური შემოწმებისთვის თმის ღერი გთხოვათ. თქვენ იცით, რომ დრო ყველაფერს თავის ადგილებზე დაალაგებს. საქართველოდან თქვენ ხალხმა ქვების სროლით გაგაგდოთ. ვნახოთ, როგორ დატოვებთ ოდესას", - აღნიშნავს პალიცა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.