დიდ ბრიტანეთში რეალითი შოუს „სიყვარულის კუნძულის“ ვარსკვლავი მაიკ თალასიტისი 26 წლის ასაკში გარდაიცვალა.

მისი მენეჯმენტის განცხადებით, რეალითი შოუს ვარსკვლავი და ყოფილი ფეხბურთელი პარასკევს გარდაიცვალა.

კვიპროსული წარმოშობის თალასიტისი ლონდონში, ედმონტონში დაიბადა. იგი სხვადასხვა საფეხბურთო კლუბში თამაშობდა, მათ შორის „სეინთ ალბანსში“ და „ჩელმსფორდში“. მან აღიარება 2017 წელს „ITV“-ის შოუს სერიებში მოიპოვა და მეტსახელად „მხურვალე მაიკი“ შეარქვეს.

როგორც BBC იუწყება, რეალითი შოუს ვარსკვლავი ესექსში ნახეს გარდაცვლილი.

„სიყვარულის კუნძულის“ შემქნელი ტელევიზიის, ITV-ის წარმომადგენელმა განაცხადა: „ყველანიITV2-ზე და „სიყვარულის კუნძულის“ გუნდი შოკირებული და დამწუხრებული ვართ ამ საშინელი ამბით. ჩვენი ფიქრები და უღრმესი თანაგრძნობა მაიკის ოჯახისა და მეგობრებისკენ არის მიმართული ამ ძალზე სევდიან მომენტში“.

მაიკ თალასიტისის გარდაცვალების გამო მწუხარება გამოხატეს ასევე საფეხბურთო სამყაროს წარმომადგენლებმაც.