დიდ დიღომში ძლიერი ხანძრის შედეგად ტექნო-ლუქსის საწყობის 1 800 კვადრატული მეტრი ფართობი დაიწვა. კვირას, ღამით გაჩენილი ხანძრის სწრაფად გავრცელებას ხელი ძალიან ძლიერმა ქარმა შეუწყო. ცეცხლის ჩაქრობას 23 სახანძრო-სამაშველო ჯგუფი რამდენიმე საათის განმავლობაში ცდილობდა.
ტექნიკის საწყობში ხანძარი ლოკალიზებულია. საგანგებო სიტუაციების მართვის სამსახურის ცნობით, მეხანძრე-მაშველების მიერ შენობიდან უვნებლად არის გამოყვანილი ერთი ადამიანი.
მეხანძრე-მაშველებმა ცეცხლმოკიდებული საწყობიდან ასევე ლეკვები გამოიყვანეს.
ოთხფეხა მეგობრების სიცოცხლეს საფრთხე აღარ ემუქრება.
საგანგებო სიტუაციების მართვის სამსახურის გადაწყვეტილებით, ლეკვებს მეხანძრე-მაშველები სახანძრო-სამაშველო განყოფილებაში წაიყვანენ და უპატრონებენ.
ხანძრის გამომწვევი მიზეზი უცნობია. დაწყებულია გამოძიება მუხლით, რომელიც ცეცხლის წაკიდებით, ნივთის დაზიანებას ან განადგურებას გულისხმობს. ექსპერტ-კრიმინალისტები ადგილზე მუშაობას დილიდან დაიწყებენ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.