სიმართლე გითხრათ, დილით რომ გავიღვიძე და ვნახე, ჩემი ციხის წერილიდან ციტატა მეგონა, რომ მოვისმინე, ასე აფასებს „ევროპული საქართველოს" ერთ-ერთი ლიდერი გიგი უგულავა საქართველოს ყოფილი პრეზიდენტის, მიხეილ სააკაშვილის განცხადებას, რომ „იმ ფონზე, როდესაც ივანიშვილი მას „არ უშვებს ქვეყანაში და „ზოგიერთი ჩვენი ლიდერი არის ციხეში... მნიშვნელოვანია „ნაციონალური მოძრაობის“ თავმჯდომარის არჩევა“, რადგან პარტიას „ადგილზე ლიდერი“ სჭირდება".

უგულავას თქმით, „ნაციონალური მოძრაობის" გადასაწყვეტია, თუ ვინ იქნება პარტიის თავმჯდომარე, თუმცა პროცესი მისასალმებელია.

„მე მივესალმები ამ პროცესს. სიმართლე გითხრათ, დილით რომ გავიღვიძე და ვნახე, ჩემი ციხის წერილიდან ციტატა მეგონა, რომ მოვისმინე. მაგრამ ძალიან კარგია, ჩვენ ამას მაშინაც ვამბობდით. ეს პროცესი ჩვენ არ გვეხება. ვინ იქნება „ნაციონალური მოძრაობის" თავმჯდომარე, ეს არის „ნაციონალური მოძრაობის" გადასაწყვეტი, ის რომ თავმჯდომარე აუცილებელია პარტიისთვის ადგილზე, ამაზე ბატონმა მიხეილმა ისაუბრა. ამაზე ჩვენც ვსაუბრობდით თავის დროზე. მე ყოველგვარი ნიშნის მოგების გარეშე, მივესალმები ამ პროცესს", აცხადებს გიგი უგულავა.