მე მესმის, ანრი, ისეთი ემოციური შოკი გაქვს ახლა მაგ როლიდან რომ ლაპარაკობ, სულ დაკარგე კონტროლი კორექტულობის, ეთიკურობის, სამართლებრივი - კი, შოკი გაქვს ემოციური, ასე მიმართა პარლამენტის იურიდიულ საკითხთა კომიტეტის ყოფილმა თავმჯდომარემ, ეკა ბესელიამ ამავე კომიტეტის მოქმედ თავმჯდომარეს, ანრი ოხანაშვილს.

„სულ დაკარგე სახე და მინდა გითხრა, რომ იმაზე პატარა ჩანხარ, ვიდრე რეალურად ხარ", მიმართა ბესელიამ ოხანაშვილს, რაზეც იურდიულ საკითხთა კომიტეტის თავმჯდომარის მოადგილემ, დავით მათიკაშვილმა მას კორექტულობისკენ მოუწოდა.

„კომიტეტის ყოფილი თავმჯდომარისგან ძალიან მძიმე მოსასმენია არაკორექტული გამონათქვამები", მიმართა მათიკაშვილმა ბესელიას.

„დამშვიდდით, ბიჭებო, სამ ხმაში ნუ მელაპარაკებით.... ისე ნუ დაპატარავდებით, რომ ზღვის დონზე დაბლა დავიდეს ადამიანის ღირსება. იქამდე თუ დახვალთ, ახლა იქამდე ვერ ჩამოგყვებით, მაგრამ რაღაც დონიდან აუცილებლად მომიწევს პასუხების გაცემა. ამიტომ, ანრი, ვიდრე ყალბი დამაჯარებლობით განცხადებას გააკეთებ, ცოტა პაუზა გააკეთე, ცოტა გაიაზრე სად ხარ.... ეს არის იმის პასუხი, რაც გააკეთე და რამდენს გაბედავ თავხედურად მოქცევას, იგივეს მიიღებ აქედან", მიმართა ბესელიამ ოხანაშვილს, რის გამოც, დავით მათიკაშვილმა მას კიდევ ერთხელ მოუწოდა კორექტულობისკენ.

„ტყუილად გამეცადინებდი მაგ სხდომის წაყვანაში? - ასე უნდა მოიქცე?", მიმართა მათიკაშვილს ბესელიამ პარლამენტის იურიდიულ საკითხთა კომიტეტის სხდომაზე, სადაც უზენაესი სასამართლოს მოსამართლების შერჩევის კრიტერიუმების საკითხს განიხილავენ.