თბილისში, კოსტავას ქუჩაზე მდებარე ერთ-ერთი შენობის სახურავზე ხანძარი გაჩნდა. ადგილზე მობილიზებულია რამდენიმე ერთეული სახანძრო მანქანა.
ცეცხლი კოსტავას 12 ნომერში მდებარე სასტუმროს შენობის სახურავს გაუჩნდა, რის გამოც ევაკუაცია გამოცხადდა. ამ დროისთვის დედაქალაქის ერთ-ერთი ცენტრალური ქუჩის გარკვეული მონაკვეთი სრულად არის გადაკეტილი.
ადგილზე 11 სახანძრო-სამაშველო ბრიგადაა მობილიზებული. შემთხვევის ადგილას ასევე იმყოფებიან სასწრაფო-სამედიცინო დახმარების ბრიგადები და საპატრულო პოლიციის ეკიპაჟები.
სასტუმროს შენობა მთლიანად დაცლილია. რადგან უბანი მჭიდროდ დასახლებულია, სახანძრო-სამაშველო სამსახურის წარმომადგენლებმა სასტუმროს ახლოს მდებარე სახლებიდან მოსახლეობის ევაკუაცია განახორციელეს.
საგანგებო სიტუაციების მართვის სამსახურის ცნობით, ხანძარი უკვე ლოკალიზებულია და მისი გავრცელების საშიშროება არ არსებობს. წინასწარი ინფორმაციით, დამწვარია 250 კვ/მ ფართობი. ხანძრის შედეგად არავინ დაშავებულა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.