„დღეს რომ თქვენ აქ გამოხვიდეთ ბატონო მინისტრო [გიორგი გახარია] და 5 გვამი მჭირდებაო და 12 გვამი რომ შემოიტანონ და სხვა სისტემა რომ იყოს, მაშინ ყველა გაიტრუნებოდა ამ დარბაზში“, განაცხადა „პატრიოტთა ალიანსის ერთ-ერთმა ლიდერმა, პარლამენტის თავმჯდომარის მოადგილემ, ირმა ინაშვილმა „ნაციონალური მოძრაობის“ მიმართ კრიტიკული გამოსვლისას და ქვეყანასი გაზრდილ კრიმინალზე კომენტირებისას.

„თქვენ მთავარი პრობლემა გაქვთ ის, რომ ტერორზე არ დგას ეს სახელმწიფო. მე პრობლემას კარგი გაგებით ვამბობ. მაგრამ აი, ამ ტერორის გარეშე უნდა მოხდეს ქვეყანაში კრიმინოგენური ვითარების გაკონტროლება, შეზღუდვა , ეს სხვა ამოცანები და სხვა გამოწვევებია.

დღეს რომ თქვენ აქ გამოხვიდეთ ბატონო მინისტრო და 5 გვამი მჭირდებაო და 12 გვამი რომ შემოიტანონ და სხვა სისტემა რომ იყოს, მაშინ, სხვანაირი ლაპარაკი წავიდოდა კი არა, ყველა გაიტრუნებოდა ამ დარბაზში, მაგრამ ეს ყველაფერი მაინც არ იძლევა იმის საშუალებას, რომ ყველაფერი კარგად არის“, განაცხადა ირმა ინაშვილმა.