„ტაქსების იძულებით გადაღებვის პროგრამის“ შეწყვეტას ითხოვენ „ლეიბორსტები“, რომლებიც დღეს ტაქსის მძღოლების საპროტესტო აქციას შეუერთდნენ.

„ლეიბორისტული პარტიის“ ლიდერმა, შალვა ნათელაშვილმა მოსახლეობას მოუწოდა შეუერთდეს ტაქსის მძღოლების აქციას და რათა ეს აქცია საყოველთაო, სახალხო საპროტესტო აქციაში გადაიზარდოს და ორ კვირაში „ბანდიტი ივანიშვილი“ დასრულდეს.

„ჩვენი თავისუფლება, ჩვენი კეთილდღეობა, ჩვენი მომავალი ჩვენ ხელშია. სახლში ნუ ვზივართ და ტელევიზორიდან ნუ ვუყურებთ ამ ყველაფერს. გადავზარდოთ აი, ამ ტაქსისტების ეს აქცია საყოველთაო, სახალხო საპროტესტო აქციაში. ორ კვირაში დავამთავრებთ ამ ბანდიტ ივანიშვილს, მას უკან მივაყოლებთ კალაძეებს და მთელ ამ ხროვას და დაისვენებს, ამოისუნთქებს ქვეყანა. გამოდით, ნუ ზიხართ სახლში“, მიმართა შალვა ნათელაშვილმა მოქალაქეებს.