„დემოკრატიული მოძრაობის“ თავმჯდომარე ნინო ბურჯანაძე პირადი ცხოვრების ამსახველი კადრების გავრცელების ფაქტს გამოეხმაურა და აღნიშნა, რომ ბიძინა ივანიშვილი ვერ ახერხებს პრობლემის მოგვარებას.

„პალიტრანიუსის“ გადაცემა „360 გრადუსში“ ბურჯანაძემ მმართველი პარტია მოსამართლეების თემის გამოც გააკრიტიკა.

„ის, რაც ხდება, საერთოდ არაფერში არ წერია. ეს თავმოყვარე ქვეყანაში რომ მომხდარიყო, ამაზე ძალიან დიდი სკანდალი ატყდებოდა. ვერ დამისახელებთ ვერც ერთ სახელმწიფოს, სადაც მსგავსი რამ ხდება. სამწუხაროდ, ყველა ქვეყანაში ხდება ჩაწერა, მერე ადამიანების ამით დაშანტაჟება, მაგრამ ეს არ გამოდის, ასე ვთქვათ, ლამის პირდაპირ ეთერში და არ გამოდის სოციალურ ქსელებში. როცა ეს ხდება, რა თქმა უნდა, სახელმწიფოს და ხელისუფლების დანაშაულია და ამას ვერ აბამს თავს, საუკეთესო შემთხვევაში, თუ თვითონ არ ეკითხებიან ნებართვას...

ივანიშვილი, როგორც მინიმუმ ის ვერ ახერხებს ალაგმვას პრობლემის. ისევე, როგორც, მან არათუ არაფერი მოუხერხა სასამართლოს სისტემას, არამედ ზუსტად და კიდევ უფრო ცინიკურად გააგრძელა ის გზა, რა გზითაც მიდიოდა „ნაციონალური მოძრაობის“ ხელისუფლება და რა არ მოსწონთ ერთი „ქართულ ოცნებას“?! რა, არ მოსწონს „ნაციონალური მოძრაობის“ ნათქვამი?! - ზუსტად იგივეს იმეორებენ: „ნაციონალური მოძრაობის“ აქტივისტები ჰყავთ წამოწეული, „ნაციონალური მოძრაობის“ მოსამართლეებს ნიშნავენ, რითი სჯობიან „ნაციონალური მოძრაობას“ ერთი ძალიან მაინტერესებს“?! განაცხადა ნინო ბურჯანაძემ, რომლის კომენტარსაც პარტიის პრესსამსახური ავრცელებს.