„ჩვენ მოვისმინეთ ტყუილი და „ფეიკ ნიუსები“ უპასუხიმგებლო ძალებისგან, რომ ვითომ საქართველო არ ფიქსირდება დასავლეთის პოლიტიკურ დღის წესრიგში და ვითომ ჩვენ გავქრით რადარებიდან“, განაცხადა საქართველოს პრემიერ მინისტრმა მამუკა ბახტაძემ ბრიფინგზე და

მან აღნიშნა, რომ „სიცრუის მანქანა“ აქტიურად მოქმედებს იმ ფონზე, როდესაც საქართველოს ნატო-ს გენერალური მდივანი და ალიანსის უმაღლესი რანგის დელეგაცია ესტუმრა და ქართული საგარეო პოლირიკის აქტივობები უმაღლეს დონეზეა.

„უპასუხიმგებლო ძალები ერთის მხრივ ამბობენ, რომ არიან ერთგული, რომ გავხდეთ ნატოს და ევროკავშირის სრულფასოვანი წევრები და ამასთან ერთად აკეთებენ ასეთ ურთიერთგამომრიცხავ განცხადებებს, რომ ვითომ საქართველო გაქრა დასავლური ქვეყნების პოლიტიკური დღის წესრიგიდან. ეს არის უპასუხიმგებლობა და ეს არის ტყუილი, რომელსაც აქვს ძალიან მოკლე ფეხები. საქართველოს და ნატოს შორის ურთიერთობა არასდროს ყოფილა ასეთ მაღალ დონეზე. საქართველო ევროპულ ოჯახთან ასე ახლოს და საქართველოსა და ამერიკის შეერთებულ შტატებს შორის ურთიერთობა არასდროს ყოფილა ასეთ მაღალ დონეზე“, აღნიშნა ბახტაძემ.