„რუსეთის პირდაპირი რეზიდენტი საქართველოში, რომელიც ჩადის ხიბულაში და გამსახურდიას სიყვარულს ეფიცება, ეს არის ის კაცი, ვინც გამსახურდიას და მეც გიჟებად გვაცხადებდა“, განაცხადა საქართველოს ყოფილმა პრეზიდენტმა მიხეილ სააკაშვილმა პრეზიდეტის ბიბლიოთეკაში შეკრებილებისადმი ვიდეო მიმართვისას.

„ხშირად მიფიქრია, თუ რა განცდები ჰქონდა ზვიად გამსახურდიას ხიბულაში, როდესაც საქართველოს მტრებმა მიამწყვდიეს ის, ჩამოიყვანეს ჯერ საქართველოში, ჩამოიტყუეს საქართველოში პირდაპირ რომ ვთქვათ. საქართველოს დამაქცევარი ოლიგარქი, რუსეთის პირდაპირი რეზიდენტი საქართველოში, რომელიც ჩადის ხიბულაში და გამსახურდიას სიყვარულს ეფიცება, ეს არის ის კაცი, ვინც გამსახურდიასაც და მე გიჟებად გვაცხადებდა - იმიტომ, რომ მათთვის სიგიჟეა საქართველოს თავისუფლებისთვის ბრძოლა - ეს არის ყველაზე დიდი ფარისევლობა, რაც შეიძლება არსებობდეს, იმიტომ, რომ ეს იგივეა ფილიპე მახარაძეს თავისი თავი გამოეცხადებინა ილია ჭავჭავაძის იდეის მთავარ გამგრძელებლად“, განაცხადა მიხეილ სააკაშვილმა.