ახალქალაქის მუნიციპალიტეტის საკრებულოში ქ. ახალქალაქის #1 საჯარო სკოლის X კლასის მოსწავლეებთან საინფორმაციო შეხვედრა გაიმართა.

მოსწავლეები საკრებულოს თავმჯდომარემ ნაირი ირიციანმა, საკრებულოს დეპუტატებმა - ჰაკობ ჩახმახჩიანმა, კარაპეტ პალოიანმა, სედა მელქუმიანმა და სარგის მელიქიანმა მიიღეს. მოსწავლეები საკრებულოს საქმიანობას გაეცნენ და ადგილობრივ ხელისუფლებას იმ პრობლემების შესახებ ესაუბრენენ, რაც მუნიციპალიტეტში არსებობს.

ახალქალაქის მუნიციპალიტეტის საკრებულოს ცნობით, შეხვედრისას მოზარდებმა დააყენეს საკითხი იმ პრობლემების შესახებ, რომლებიც მათ ტერიტორიაზე არსებობს. კერძოდ:

• ასფალტირებული ქუჩები დანგრეულია და სარემონტო სამუშაოები არ განახლდა;

• ქუჩების განათების ნათურები არის უხარისხო და დამონტაჟებიდან რამდენიმე დღის განმავლობაში ფუჭდება;

• სპორტული კომპლექსისა და ქალაქის პარკთან არსებული მინი-სპორტული მოედანი ცუდ მდგომარეობაშია;

• ჩამდურის საჯარო სკოლასა და სოფლის გზებს ესაჭიროება გარემონტება;

• კარწახისკენ მიმავალი გზა ვაჩიანის მახლობლად დანგრეულია და ა.შ.

სკოლის მოსწავლეებმა ასევე აღნიშნეს, რომ მათ სურთ თავისუფალი დროის გატარების ადგილების შექმნა, მათ შორის ფიტნეს ცენტრი, ბოულინგის კლუბი, კეთილმოწყობილი პარკი და სხვა.