ე.წ. კორტების სპეცოპერაციის საქმეზე დაკავებულ ირაკლი ფირცხალავას გლდანის #8 სასჯელაღსრულების დაწესებულებიდან ე.წ. მატროსოვის ციხეში დღესვე დააბრუნებენ, - ამის შესახებ ჟურნალისტებს სასჯელაღსრულებისა და პრობაციის მინისტრმა, გიორგი მღებრიშვილმა განუცხადა.
რაც შეეხება მიზეზს, თუ რატომ იყო ის გადაყვანილი ერთი დღით გლდანის #8 სასჯელაღსრულების დაწესებულებაში, გიორგი მღებრიშვილი აცხადებს, რომ ეს მისივე უსაფრთხოების უზრუნველყოფის მიზნით მოხდა. თუმცა, მინისტრი არ აკონკრეტებს, რა საფრთხე ემუქრებოდა ფირცხალავას მატროსოვის ციხეში.
გიორგი მღებრიშვილმა იმ ინფორმაციაზეც გააკეთა კომენტარი, რომლის თანახმადაც, ბრალდებული ირაკლი ფირცხალავა სასჯელაღსრულების დაწესებულებაში ცუდ პირობებში იმყოფება და მოსამართლემ სამინისტროს მოუწოდა, ამას ყურადღება მიაქციოს.
როგორც მღებრიშვილმა განმარტა, ბრალდებულისთვის გათვალისწინებულია 3 კვადრატული მეტრის საპატიმროში ყოფნა.
"ყველა მსჯავრდებულის და ბრალდებულის უფლებები საპატიმრო ადგილებში არის უზრუნველყოფილი. არავის შემოძახილი არ მჭირდება. აქ იმისთვის ვარ, რომ დავიცვა და უზრუნველვყო მათი უფლებები. არავის შენიშვნა მე ნამდვილად არ მჭირდება. თუ ვინმე იცავს მათ უფლებებს, პირველ რიგში ეს ვარ მე", - განაცხადა გიორგი მღებრიშვილმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.