ქართველი ესკორტის ოფიცრები ჯეკ შეფერდს ბრიტანეთის პოლიციის წარმომადგენლებს თბილისის საერთაშორისო აეროპორტში დღეს გადასცემენ.
სპეციალური პენიტენციური სამსახურის ესკორტირებისა და სპეციალური ღონისძიებების მთავარი სამმართველოს ესკორტის ოფიცრები ბრიტანეთის მოქალაქე ჯეკ შეფერდს ბრიტანეთის პოლიციის წარმომადგენლებს დღეს თბილისის საერთაშორისო აეროპორტში გადასცემენ.
შეგახსენებთ, რომ საქართველოს იუსტიციის მინისტრის მიერ 2019 წლის 8 აპრილს გამოიცა ბრძანება, რომლითაც დაკმაყოფილდა დიდი ბრიტანეთისა და ჩრდილოეთ ირლანდიის გაერთიანებული სამეფოს კომპეტენტური ორგანოების მიერ წარმოდგენილი შუამდგომლობა გაერთიანებული სამეფოს მოქალაქე ჯეკ სებასტიან შეფერდის ექსტრადიციის თაობაზე.
სპეციალური პენიტენციური სამსახურის ცნობით, ჯეკ შეფერდმა უკვე დატოვა N8 პენიტენციური დაწესებულება. დაწესებულების ადმინისტრაციამ კანონით გათვალისწინებული შესაბამისი პროცედურების (მათ შორის სამედიცინო შემოწმების) გავლის შემდეგ იგი ესკორტის ოფიცრების საექსტრადაციო ჯგუფს გადასცა, რომელმაც, თავის მხრივ, პატიმარი თბილისის საერთაშორისო აეროპორტში გადაიყვანა. აეროპორტში სათანადო დოკუმენტაციის გაფორმების შემდეგ ჯეკ შეფერდს ქართველი ესკორტის ოფიცრები ბრიტანელ სამართალდამცავებს გადასცემენ და იგი ქვეყანას დატოვებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.