საქართველოს ხელისუფლების ბოლო ერთი წლის პოლიტიკა მდგომარეობს იმაში, რომ კომერციული და კულტურული კავშირები რუსეთ-საქართველოს შორის არის ის წინაპირობა, რომელმაც უნდა მოამზადოს, საბოლოო ჯამში, ჩვენს შორის უმძიმესი პოლიტიკური პრობლემების მოგვარების გადაწყვეტის ფონი, - ამის შესახებ საქართველოს პრეზიდენტმა გიორგი მარგველაშვილმა თბილისი-სოჭს შორის პირდაპირი ავიარეისების გაგრძელების შესაძლებლობის კომენტირებისას განაცხადა.
პრეზიდენტის თქმით, პრაღის ფორმატში, რომელშიც მთავრობა მუშაობს, ძალიან აქტიურია მცდელობა, რომ მოხდეს როგორც ვაჭრობის, ისე კულტურის მიმართულებით ურთიერთობების ინტენსიფიკაცია და მოიხსნას დაძაბულობა.
"მაგრამ ეს ყველაფერი არის წინაპირობა იმისთვის, რომ ჩვენს ქვეყნებს შორის არსებული ურთულესი პრობლემები, რომელიც გამოიხატება ოკუპაციაში, ამ თემების რაციონალური განხილვისთვის შეიქმნას ფონი. საქართველოს ოკუპაცია რუსეთისთვის არანაირი დადებითი შედეგის მომტანი არ არის და მეტიც, ის დადებითი შედეგის მომტანი არ არის არც ერთი მხარისთვის. ჩვენი თანამოძმეები, რომლებიც ცხოვრობენ მავთულხლართებს მიღმა, არ ხეირობენ ამ პოლიტიკური ნაბიჯით. ეს პოლიტიკური ნაბიჯი ძალიან მძიმეა ჩვენი სახელმწიფოსთვისაც, რთულია რუსეთისთვისაც, შესაბამისად, ნებისმიერმა კავშირებმა, რომელიც მოხსნის დაძაბულობას და გადაგვიყვანს რაციონალურ დიალოგში, უნდა მოგვცეს იმის შესაძლებლობა, რომ ბოლოს და ბოლოს ამ თემებს მივადგეთ", - აღნიშნა გიორგი მარგველაშვილმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.